கதையின் இறுதிப்பாகம் .5

வல்லிசிம்ஹன்
இறைவன் என்றும் காப்பான்.

கதையின் இறுதிப்பாகம் .5

அதற்குப் பிறகு  நடந்தவை எல்லாம் நன்மைக்கானது.

சிகித்சை முடிந்து வெளியே வந்த சேகர்,

முற்றிலும் மாறிய மகனாக அவனுடைய அன்னைக்குக் 

கிடைத்தான். சிகித்சையின் போது அவனை விட்டகன்ற

அந்த வெண்குழல் அரக்கன், பிறகு அந்த வீட்டில் பிரவேசிக்கவில்லை.

வேலையிலிருந்து விருப்ப ஓய்வு பெற்றான்.

வீட்டிலிருந்தபடியே செய்யுமாறு வேறு வேலையைத் தேடிக் கொண்டான்.

இதெல்லாம் நிறைவேறத்தான் ஆறேழு மாதங்கள் ஆகியது.

அடுத்த தடவை தன் அம்மாவுடன் அவனும் 

செக்கப்புக்குப் போகும்போது 

தேவகி அம்மாவின் ஆரோக்கியத்தில் முன்னேற்றத்தைக் கண்டார் 

டாக்டர் செரியன்.

மகனையும் தாயையும் பரிசோதித்து 

ஆறு மாதங்களுக்கு ஒரு முறை வந்து பார்த்தால்

போதும் என்று சொல்லி விட்டார்.

இந்த மகனையுமிழந்துவிடுவோமோ என்ற 

பயத்திலிருந்து விடுதலை கண்ட அம்மாவின் 75 ஆவது பிறந்த நாளையும்

அவள் மக்கள்,உறவினர் சூழக் கொண்டாடினர்.

பி கு. இங்கே நான் உபயோகித்திருக்கும் மருத்துவ மொழியோ,

காவல் துறை பரிபாஷைகளோ  சரியானது என்று சொல்ல வரவில்லை.

இந்தக் கதையின் நல்ல முடிவுக்கு அவை துணை வந்தன.

நன்றியும் சுபமும்.