வல்லிசிம்ஹன்
உருளைக் கிழங்கு பெயர் சொன்னாலே போதும்.
சிங்கம் இரண்டு மடங்கு சாப்பிட்டு விடுவார்.
ஆனால் இங்கே பதிந்திருக்கும்
வித வித உ.கி வகையறா ஒத்துக் கொள்ளாது.
பொடிசு பொடிசா நறுக்கி
இரண்டு மேஜைக்கரண்டி எண்ணெயில் வதக்கின,( வறுத்ததில்லை)
ப்ரௌன் வண்ணத்தில் நல்ல பதத்தில்
செய்தால் உள்ளே இறங்கும்.
இதே உ.கியை பொடிமாஸ்செய்து விட்டால்.,
எல்லாம் சின்னவயசில சாப்பிட்டாச்சுமா.
இனிமேல் வேண்டாம்:) இது வழக்கமான பதில் .அதனால் இப்போது
இந்தப் பொரியல் வகைகளைச் செய்து பார்க்கிறேன்.
அதுவும் நிறைய சாப்பிட முடியாது.
வாயு வந்து நம்மில் மையம் கொள்வார்.
கொஞ்சம் இஞ்சித் துகையலையும்
கூடவே சாப்பிட வேண்டும்.
இங்கே நல்ல இஞ்சி பெரிது பெரிதாகக் கிடைக்கிறது.
தோலுரித்து, சின்னத் துண்டுகளாக்கி,
மெந்தியம், பெருங்காயம், கடலைப் பருப்பு, உ.பருப்பு,
சிவப்பு மிளகாய் என்று
வறுத்துக் கொண்டு,
இஞ்சித் துண்டுகளையும் வதக்கி, உப்பும் சேர்த்து
அரைத்தால் சுவையான இஞ்சித் துகையல்
தயார்.
