மணிவிழா கண்டுவிட்டாய் மணியான தம்பிமறைந்திருந்து கொண்டாட வைத்திருக்கிறாய்.
உன் நிறைவேறாத ஆசைகள் எல்லாம் இப்பொழுது நிறைவேறிக் கொண்டிருக்கின்றன.
நேர்மை
நாணயம்
கடமை
அத்தனையையும் பொன்னாடையாகப் போர்த்திக் கொண்டாய்..
நல்லவனடா நீ.
அறுபது என்ன
எக்காலமும் நான் வாழ்வேன் என்று கண்தானம் செய்தாய்..
உன் அக்காவும் அண்ணாவும்,உன் பெண்ணும் உன் மனைவியும் நீ வளர்த்த எங்கள் குழந்தைகளும்
உன் பெயரைச் சொல்லிக் கொண்டே இருப்போம்.
உன்னிடமிருந்து பெற்றது நிறைய.
திரும்பித் தரத்தான் நீ இல்லை.
உலகமெங்கும் வாழும் எத்தனையோ நல்லிதயங்களுக்கு உன் பெயரால் உதவி போய்ச் சேரும்.
மீண்டும் சந்திக்கும் வரை.......................................
மன்னனாய் மந்திரியாய்
நல்லாசிரியனுமாய்
பண்பிலே தெய்வமாய்
பார்வையிலே சேவகனாய்
இதயத்தில் குடிகொண்டான் ரங்கன்.
அன்பு ரங்கா,உன் உதவிகளை இப்போது இன்னும் தேவையாக உணர்கிறேன்.உன் அன்பும் பாசமும் என்னை மீட்டிருக்கும்.
எல்லோரும் இனிதாக வாழ வேண்டும்
