Shanthi Sesha Golu2022 Jakarta.

அம்பாள் வெற்றிவிழா............1

வல்லிசிம்ஹன்

 எல்லோரும் நலமாக வாழ வேண்டும்.

அம்பாள் வெற்றி அடைந்து அசுரர்களை 

அழித்து விழாவும் கொண்டாடி விட்டோம்.

மங்கையர் கூடி மகிழும் நவராத்திரி நாட்கள், அதுவும் மூன்று 

வருடங்களாக அடை பட்டுக் கிடந்தவர்கள்

இப்பொழுது மீண்டு வந்து நேரே பார்த்து பேசிக் கொள்வது

பெரிய நிகழ்வாக நடந்தது.

இத்தனை நாட்களாக நடந்த கோவிட் யுத்தத்தை

அதன் மன அழுத்தத்தை விடுவித்து

இந்த ஊர் அம்மாக்களும் பெண்களும், கணவர்களும்

வந்தார்கள்.

தோழியின் அம்மா என்று கொலு முதல் படியில் என்னை

வைத்து அவர்கள் அன்பு காட்டியது மறக்க முடியவில்லை.

பல கொலுக்களின் படங்களைப் பதிய வேண்டும்.

அட்டகாச கொலுப் பொம்மைகள்.

அதை ஆக்கிப் படைத்த அழகு.

மனமார்ந்த உபசரிப்பு. தாம்பூலம் அளித்த அருமை.

எல்லாவற்றையும் முடிந்த வரையில் பகிர்ந்து

கொள்கிறேன்.

 Friend's  Golu  beginning.

Golu Chennai 2013

 சிரிப்பும் களிப்பும் 

கல்கி பொய் சொல்லலனு நிருபிப்பேன்- Kalki Grand Daughter's First Exclusive...

Ponniyin Selvan Public Review | London Tamil | Ponniyin Selvan Movie Re...

PS - 1 From tomorrow | Thank you Kalki | Lyca Productions | Madras Talki...

    பொன்னியின் செல்வன் கதை படிப்பதற்காக

தோழி வீட்டில் எங்கள் குமுதத்தைக் கொடுத்துவிட்டு

கல்கி வாங்கி வருவேன்.

பள்ளி, விளையாட்டு, கதை படிப்பது இதுவே எங்களுக்கு

பொதுவானது. அந்த அருமையான சுதந்திர நாட்களில் 

பொன்னியின் செல்வன், பார்த்திபன் கனவு, சிவகாமியின் சபதம்

என்று படித்துத் தள்ளினோம் விடுமுறை நாட்களை.

பொன்னியின் செல்வன் இன்றே இங்கே

வெளியாகிறது.

இதே போல சிவகமியின் சபதத்தையும் யாராவது எடுத்தால்

எவ்வளவு நன்றாக இருக்கும்!!

பொன்னியின் செல்வன் வருகிறார்.........2

வல்லிசிம்ஹன்

எல்லோரும் வளமாக வாழ வேண்டும்.

கல்கியின் 'பொன்னியின் செல்வன் முதலில் 

கல்கியில் வந்த போது தமிழ் எழுத்து

அவ்வளவு பழகவில்லை. 

இரண்டாவது முறையாக வந்த போது 

வரிவிடாமல் படித்த நினைவு. படங்கள்

பொக்கிஷமாகக் காக்கப் பட்டு

வீடு தோறும் இருந்த காலம்.

தொலைத்த பல பழைய செல்வங்களில் இந்தப் புத்தகங்கள்

உண்டு.

பொன்னியின் செல்வன் அறிமுகம் ஆரம்பித்ததிலிருந்து

ஏகப்பட்ட  வீடியோக்கள் வந்துவிட்டன.

பொன்னி நதி பாக்கணுமே '' பாடல் நாளை அதாவது 29ஆம் தேதி

இங்கே உள்ள  தியேட்டர்களில் முழங்கப் போகிறது.

எனக்குத் தெரிந்து  இங்குள்ள இந்தியர்கள் 

அனைவருமே என் மாதிரி நாலைந்து பேர்களைத் தவிர

10 நாட்களுக்கு முன்பதிவாக டிக்கெட்டுகளைப் 

பதிந்து விட்டார்கள்.

வாட்ஸாப்புகளில் நீ வருகிறாயா நாம் எல்லாரும் போகலாமா

இதுதான் பேச்சு.

தமிழ்ப் புத்தகங்கள் கிடைக்கும் ஒரு நூலகத்தில்

பொன்னியின் செல்வனின் எந்தப் பாகமும் கிடைக்கவில்லை.

இரண்டு மாதங்களாக இது செய்தி.

அமரர் கல்கி எங்கிருந்தோ ரசித்துக் கொண்டிருப்பார்.

தான் ஆராய்ச்சி செய்து விவரம் சேகரித்த 

ஒரு நெடுங்கதை இரண்டு பாகங்களாகத் திரையிடப் 

படுகிறது என்று அறிந்து புன்னகைப்பார் என்று நினைக்கிறேன்.

இது மணிரத்தினம் அவர்களின் படமாகத் திரைக்கதையாக

எழுத்தாளர்

ஜெய மோகன் , குமரவேல் அவர்களின் வசனங்களுடன்

40க்கும் மேற்பட்ட திரைப் பிரபலங்களுடன்

சுடர் விடப் போகிறது.

பொன்னியின் செல்வன் தொடரைப் படித்து

முடித்தவர்கள் எதிர்பார்க்கும் பல விஷயங்கள்

இதில் இருக்காது, குறிப்பாக நீண்ட வசனங்களும் காட்சி வர்ணனைகளையும்

பாடல் மூலமாகவும் 

திரைப் பின்னணிகளாகவே படைத்திருக்கிறார்கள் என்றே சொல்கிறார்கள்.

இராமாயணத்தின் ஏழு காண்டம் எப்படி 

மூன்று +அரைமணி நேரமாகச் சுருக்கப்

பட்டதோ, அதையே சம்பூர்ண ராமாயணமா ? அதை யார் உட்கார்ந்து 

பார்ப்பது என்று பின்னாட்களில் சொன்னார்களோ,(இத்தனைக்கும் பாடல்கள் அனைத்தும் 

அவ்வளவு சிறப்பாகப் படமாக்கப் பட்டிருக்கும்)

அதைவிட இந்தக் கதைப் பல வித தொழில் நுட்பத்தில் 

பாடல்களாகவும், யுத்தக் காட்சிகளாகவும் 

பிரம்மாண்டமாக வருகிறது என்றே பேச்சு.

காத்திருக்கலாம். அனைவரும் வாழ்க வளமுடன்.

பொன்னியின் செல்வன்.

திருமதி கவிதா ஜீவா அவர்கள் (இரண்டு வருடங்களுக்கு

முன் என்று நினைக்கிறேன்) வழங்கிய கதை பாட் காஸ்ட்.

வாரம் மூன்று நாட்கள் கேட்ட நினைவு. 

இப்பொழுது படமாக வரப் போகும் நிலையில்

இன்னும் பிரம்மாண்டமாக வர  இருக்கிறது.

இது வரையில் கற்பனையில் தான் 

நந்தினி, வந்தியத்தேவன், குந்தவை, வானதி 

என்று மணியம் அவர்களின் கைவண்ணத்திலும், பின்னாட்களில் வினு

அவர்களின் ஓவியங்களிலும் 

கண்ட பாத்திரங்கள்...

பெரிய பழுவேட்டரையர், சின்ன பழுவேட்டரையர்,செம்பியன் மாதேவி, ஆழ்வார்க்கடியான்,

மதுராந்தகர் இன்னும் பல நபர்கள்.

அந்தந்த அத்தியாயங்களின் தலைப்பு என்று சுவாரஸ்யமாகத் தொடர்ந்த காலம்.

பார்த்திபன் கனவு வந்த போது

ஜெமினியும் வைஜயந்தியும், திரு ரங்காராவும்

சில கற்பனைகளை நிறைவேற்றினார்கள்.

பின்னர் சிவகாமியின் சபதத்தில் 

சிவகாமியும் நரசிம்மனுமாக,

எம்.ஜி ஆர் சரோஜாதேவி நடித்த கலங்கரை விளக்கத்தில்

சிறிதே திருப்தியுடன் காணமுடிந்தது.

பார்த்திபன் கனவு படத்தில் ரங்கா ராவ் சிவகாமிக்காகக்

கண் கலங்குவது கூட நினைவில் இருக்கிறது.

இதோ 30 செப்டம்பர் கண்முன்னே காணப் போகிறோம்

வந்தியத்தேவனையும் மற்றவர்களையும்.

மணி ரத்னம் அவர்களின் படைப்பில்

சோடை போகாத காவியமாக இது இருக்கும்

என்றே நம்பத் தோன்றுகிறது.

இந்தப் படத்துக்கான நூற்றுக் கணக்கான

வீடியோக்கள். மனத்தில் பெரிய ஈர்ப்பை ஏற்படுத்தி இருக்கின்றன.

காத்திருப்போம்:)

வாழ்க வளமுடன்.