Tuesday, December 25, 2012

வந்ததே கிறிஸ்து பிறந்த நாள்

 




 அன்பர்கள் அனைவருக்கும்     இனிய  க்றிஸ்துமஸ்  திருநாள்
வாழ்த்துகள்.

கிறிஸ்மஸ் தாத்தா எல்லோருக்கும்   அவர்கள் விரும்பிய அனைத்தும்
கொடுக்க   இறைவனை  வேண்டிக்கொள்வோம்.


எல்லோரும் இனிதாக வாழ வேண்டும்
Posted by Picasa

Monday, December 24, 2012

தூமணி மாடத்துச் சுற்றும் விளக்கெரிய...


 ஸ்ரீ ஆண்டாள் திருவடிகளே சரணம்
திருவரங்கன் திருவருள் நிலைக்கட்டும்.

சூடிக்கொடுத்த சுடர்க்கொடியே
தொல் பா வைப் பாடி அருளவல்ல பைங்கிளியாய்
நாடி நீ வேங்கடவர்க்கு   எம்மை விதி
என்ற இந்நாமம்  நாம் கடவா வண்ணமே நல்கு.
இன்றைய ஒன்பதாவது பாசுரம் தூமணி என்று ஆரம்பிக்கிறது.

தூய மணிகளினால் ஆன மாடம்.
அதில் மெல்லிய பஞ்சு மெத்தென்ற  பஞ்சணை
சுற்றிலும் தூபம் கமழ்கிறது,.
தீபங்கள் ஒளிர்கின்றன.
கண்வளர்கிறாள் ஆண்டாள் விளிக்கும் மாமன் மகள்.
சாளரத்தின் வழியே எட்டிப் பார்க்கும் தோழிகள்
இந்தத் தூக்கத்தைக் கண்டு அதிசயிக்கின்றனர்.

ஏன் இவளுக்கு  மட்டும் பொழுது விடிய வில்லையா.
மந்திரப் பட்டு மயக்கத்தில் உறங்குகிறாளோ.

பெண்ணின் அன்னையே   மாமி அவளை எழுப்பீர்களோ.
நாங்கள் அழைத்தும் அவள் காதில் விழவில்லையே.
காரணம் என்ன ஊமையாகிவிட்டாளா. காதுதான் கேட்கவில்லையோ. இல்லை சோம்பல் வசப்பட்டாள்.
நேரமாகிறது அவளை எழுப்புங்கள்.
மாமாயங்கள் செய்யும் மாதவனை  வைகுந்தனைப்  பாட வேண்டாமா.

நாமங்கள் சொல்லி அவனை எழுப்ப வேண்டாமா எம்பாவாய் என்று இறைஞ்சுகிறார்கள்.
அவள் வந்தாளா என்று நாளை பார்க்கலாம்.









 எல்லோரும் இனிதாக வாழ வேண்டும்

வைகுண்ட ஏகாதசியும் தூமணி மாடமும்

துரித கதியில் விரையும் அரங்கன் என்ன அழகு என்ன அழகுகிளிமாலை,வைரம் திகழும் மேனி முத்து மாலை  பச்சைக் கல் பதித்த ஒட்டியாணம்,கஸ்தூரி திலகம்,வெள்ளிப்பூணூல் ஆட அவன் அவரும் அழகு காணக் கண் கோடி வேண்டும்
ஆயிரங்கால் மண்டபம்.
நம்மைக்காணவிரும்பும் அரங்கநாதன்
ஸ்ரீ வைகுண்ட ஏகாதசி 24ஆம் தேதி  டிசம்பர் 2012

  • ஏகாதசி விரதம் இருப்பவர்கள் ஏகாதசிக்கு முதல் நாள் தசமி அன்று பகலில் ஒரு வேளை மட்டும் உணவு சாப்பிட்டு மற்றும் ஏகாதசியன்று அதிகாலையில் கண்விழித்து குளித்துவிட்டு, பூஜை செய்து விரதம் இருக்க வேண்டும்.
  • ஏகாதசி திதி முழுவதும் பட்டினி இருக்க வேண்டும்.ஆனால் உண்ணாமல் இருக்க முடியாதவர்கள் நெய், தேங்காய் எண்ணெய், நிலக்கடலை, காய்கனிகள்,பழங்கள்,பால், தயிர் போன்றவற்றை பகவானுக்கு படைத்து (பிரசாதமாக) உண்ணலாம்.
  • இரவு முழுவதும் கண்விழித்து புராண நூல்களை படிப்பதும், பகவான் நாமங்களை சொல்லுவதுமாக இருக்க வேண்டும்.
  • ஏகாதசிக்கு மறுதினம் துவாதசி என்பர். துவாதசி அன்று உணவு அருந்துவதை பாரணை என்று கூறுவர்.
  • துவாதசியன்று அதிகாலையில் உப்பு, புளிப்பு முதலிய சுவையற்ற உணவாக சுண்டைக்காய், நெல்லிக்கனி, அகத்திக்கீரை இவைகளைச் சேர்த்து பல்லில் படாமல் ""கோவிந்தா! கோவிந்தா!, கோவிந்தா!!! என்று மூன்று முறை கூறி ஆல் இலையில் உணவு இட்டு சாப்பிட்டு விரதத்தை முடிக்க வேண்டும்.
  • துவாதசி அன்று வைஷ்ணவ நாட்காட்டியில் காட்டியபடி குறிப்பிட்ட நேரத்தில் ஏகாதசி விரதத்தை முடிக்க வேண்டும். விரதத்தை முடிப்பது என்பது நீர்கூட அருந்தாதவர்கள் துளசி தீர்த்தத்தையும், மற்றவர்கள் பகவான் கிருஷ்ணருக்கு தானிய உணவை படைத்து (பிரசாதமாக) உண்ணலாம்.ஏகாதசி விரதத்தை கடைபிடிப்பது போலவே விரதத்தை முடிப்பது மிகமிக முக்கியம் இல்லாவிடில் விரதம் இருந்த முழுபலனும் கிடைப்பதில்லை.
  • உணவு சாப்பிடும் முன் அதை பெரியோர்களுக்கு வழங்க வேண்டும். அன்று பகலில் தூங்காமல் இருக்க வேண்டும்.
  • வயதிற்குட்பட்ட குழந்தைகள், 80 வயதிற்கு மேற்பட்ட பெரியவர்கள் ஆகியோர் விரதம் மேற்கொள்ளத் தேவையில்லை என்று சாஸ்திர நூல்கள் கூறுகின்றன.
 இப்படியாக  ஏகாதசி  விரதம் கடைப்பிடிக்கப் படுகிறது. விரதம் அனுஷ்டிப்பவர்களுக்கு  என்    வணக்கங்கள்.

முரன் எனும் அரக்கனை வெல்லவந்த திருமால்   வதரிவனக் குகையில் ஓய்வெடுக்க அங்கேயும் துரத்தி வருகிறான் அரக்கன்.  உறங்கும் பெருமானின் உள்ளிருக்கும்  சக்தி பெண்ணாக உருவெடுத்து   அரக்கனை மாய்க்கிறாள். பெருமாள் அந்த சக்திப் பெண்ணை மனமார மெச்சி ஏகாதசி என்று பெயரிடுகிறார். உன்னை  நினைத்து  என்னையும் வணங்குபவர்கள்
நற்கதி அடைகிறார்கள். என்று உறுதி சொல்கிறார்.
இதுவும் இணையத்தில் நான் படித்ததுதான்.
இன்று ராஜ் தொலைக்காட்சியில் காலை  மூன்று மணியிலிருந்து ஸ்ரீரங்கப் பெருமானை கண்டு களித்தாயிற்று.
அடியார்  வாழ அரங்க மா நகர் வாழ.
பிரார்த்திக்கொண்டு    பூர்த்திசெய்கிறேன்.

இன்று தூமணி மாடம்   ஒன்பதாம் நாள் பாசுரம்.
*************************************************


எல்லோரும் இனிதாக வாழ வேண்டும்

Sunday, December 23, 2012

வானம் வெளுத்தது நீல வண்ணனைப் பாட வாராய்

கீழ்வானம்
காளிங்கன்  பொய்கை கலங்கப் பாய்ந்திட்டு அவன்  நீள்முடி ஐந்திலும்

ரவிவர்மா தீட்டிய கண்ணன் பலராமன்
பாடிப் பறைகொண்டு
சிறுவீடு மேயும் எருமைகள்




மூன்றாவதாக  ஒரு பெண்ணை அழைக்க வருகிறாள் கோதை.
அவளை எழுப்புவதற்குப் படாத பாடு பட வேண்டியிருக்கிறது

உன்னை அழைப்பதற்காகக் கோவிலுக்குச் சென்று கொண்டிருக்கும் மற்றப் பெண்களையும்  நிறுத்தி வைத்திருக்கிறேன் எழுந்து வாராய் என்கிறாள்.

எப்பொழுதும்  கலகலப்பாகச் சிரித்துப் பேசும் பெண்ணே என்று புகழ்கிறாள்.

பகாசுரனைக் கொன்றானே அவனைப் பாடவா
என்றும்  நினைவுறுத்துகிறாள். மல்லர்களை  த்வந்தயுத்தத்தில் மாட்டி
அவனை வென்றான்.
அந்தப் பெண் அசைய வில்லை.
வானம் வெளுத்துவிட்டது. மாடுகள் சிறுவீடு மேயப் போய் விட்டன.
நாம், தேவாதி தேவனைத் திருமாலை,
நம் கண்ணனைப் பாட வேண்டாமா
எழுந்து வருவாய்  என்று முடிக்கிறாள்.

இதோ பாடல்
கீழ்வானம் வெள்ளென்று   எருமைச் சிறுவீடு
மேய்வான் பறந்தனகாண்  மிக்குள்ள பிள்ளைகளும்
போவான் போகின்றாரைப் போகாமல் காத்து உன்னைக்
கூவுவான் வந்து நின்றோம்  கோதுகலமுடைய
பாவாய் எழுந்திராய்ப் பாடிபறை  கொண்டு
மாவாய்ப் பிளந்தானை மல்லரை மாட்டிய
தேவாதிதேவனைச் சென்று நாம் சேவித்தால்
ஆவாவென்றாராய்ந்து அருளேலோ ரெம்பாவாய்...

இந்தப் பாட்டை எம் எல்வி அம்மா பாடும்போது நமக்கே எழுந்துக் கோவிலுக்கு விரைய வேண்டும் என்று  ஆசை எழும்.

கோதை வசப்பட்ட கண்ணனையும் கோதையையும் தொழுவோம்.





எல்லோரும் இனிதாக வாழ வேண்டும்
Posted by Picasa

Saturday, December 22, 2012

கீசுகீசு என்று ஆனைச்சாத்தன் அழைக்கிறது


திருக்கோஷ்டியூர் ஸ்ரீஆண்டாள்

கீழ்வானம் வெள்ளென்று
நன்றி   திரு நடராஜன்
நவமி நிலா
வாயிலில்  தாமரை
கோகுலம்                         




































 மார்கழியின் 7  ஆம்நாளின் சித்திரம் வரைகிறாள் கோதை.

அவள் கண் முன்  ஆய்ப்பாடி விரிகிறது. அங்கே காலை 4 மணி . சூரியனின்
கிரணம்  பூமியைத்தொடுவதற்கு முன்  வெண்ணெய்  திரண்டுவிடவேண்டும்.

பெண்கள் தயிர்ப்பானைகளின் முன் உட்கார்ந்து  கடைய ஆரம்பிக்கிறார்கள்.
அதென்ன இப்ப வரும் ஆவின் தயிரா....கத்தியால் வெட்ட வேண்டிய அளவு
கெட்டியான தயிர்.
அதைத்தான் கைபேர்த்து என்று சொல்கிறாள் ஆண்டாள். அந்தத் தயிரைச்
சாப்பிட்டவர்களுக்குத் தான் அதைக் கடையும் பலமும் கிடைக்கும்.
ஆனைச்சாத்தான் பறைவைகள்  அன்றைக்கு இரை தேடவேண்டிய இடங்களைப்
பற்றி ஒன்றுக்கொன்று விவாதிக்கின்றனவாம். அந்தச் சத்தாம். ஆய்ச்சியரின் கழுத்து
ஆபரணங்களும் கைவளைகளும் கிருஷ்ணா கிருஷ்ணா என்று சத்தம் போட்டுக்
 கொண்டு மேலும் கீழும் ஓடுகின்றனவாம்.

வெண்ணெய் கடையும் வேகத்தில் ஆய்ச்சியரின் தலைக் கற்றைகள் சற்றே அவிழ்ந்து அவற்றில்
உள்ள பூக்கள் உதிர்ந்து வாசம் பரப்புகின்றனவாம்
அந்தத் தயிரரவம் உனக்குக் கேட்கவில்லையா பெண்ணே.
நாயகப் பெண்பிள்ளாய்,நம்  நாராயண மூர்த்தி,கேசவன்,மாதவன்,கண்ணன்
என்று நாங்கள்  பாடுவது கூட உன்காதில் விழவில்லையா.அதைக் கேட்டும்
இப்படித்தூங்குகிறாயே,
அன்புடன் வந்து வாயில் கதவைத் திற என்று எழுப்புகிறாள் கோதை

இதோ பாடல்

கீசு கீசென்றெங்கும் ஆனைச்சாத்தன் கலந்து
பேசின பேச்சரவம் கேட்டிலையோ பேய்ப்பெண்ணே!
காசும் பிறப்பும் கலாகலப்பக் கைபேர்த்து
வாசநறுங்குழல்  ஆய்ச்சியர் மத்தினால்
ஓசைப் படுத்த தயிரரவம் கேட்டிலையோ
நாயகப் பெண்பிள்ளாய் நாரயணன் மூர்த்தி
கேசவனைப் பாடவும் நீ கேட்டே  கிடத்தியோ.
தேசமுடையையாய்  திறவேலோ ரெம்பாவாய்....

ஆண்டாள் திருவடிகளே சரணம்.







 எல்லோரும் இனிதாக வாழ வேண்டும்

Friday, December 21, 2012

புள்ளும் சிலம்பின காண்

அசுர  வதம்
ஆலிலைக் கண்ணன்
புள்ளின் மேல் விரையும் திருமால்
பிள்ளாய்  எழுந்திராய்
  சொல்லாழி  வெண்சங்கே
புட்கள்
ஸ்ரீ ஆண்டாள்

 ஆறாம் நாள் பாசுரம் புள்ளும் சிலம்பினகாண்..
இன்று  உண்மையாகவே  பட்சிகளின் சப்தம் அருமையாக ஒலி பரப்பிக்கொண்டிருக்கிறது.அதிகமாக.
  கண்ணனை நம்புங்கள் அவன் எந்த நிலையிலும்  நம்மைக் காப்பான்.
நம்பிக்கையை விடாதீர்கள்.''என்று கூவிக் கொண்டிருக்கின்றன.

 இதோ  இந்த 21 ஆம்தேதி  பயம் எத்தனை பேரை ஆட்டிவைத்திருக்கும்.
இந்தப் புரளிகளைப் பரப்புவதில் என்ன மகிழ்ச்சி இருக்க முடியும்.
 எதிர்பாராமல் நடக்கும் நிகழ்ச்சிகளே நம்மைப் புரட்டிப் பார்க்கின்றன.
முதல் ஐந்து  பாசுரங்களில்  முன்னுரையாகக் கண்ணனையும் நம்மையும் தயார்  செய்கிறாள்.
ஆறாம் பாசுரத்திலிருந்து  தோழிகளை அழைக்க ஆரம்பிக்கிறாள்.

பறவைகள் விழித்துக் கொண்டு சிலம்புகின்றன.
கருடனை வாகனமாகக் கொண்ட    மாலின் கோவிலில் வெள்ளை சங்குகள் விளிக்க ஆரம்பித்துவிட்டன.
அது கேட்கவில்லையா பெண்ணே உனக்கு?பேரரவமாக என்காதில் ஒலிக்கிறதே. ஆண்டாள் தூங்கியே இருக்கமாட்டாள் போலிருக்கிறது.
எப்பொழுது கிழக்கு வெளுக்கும்  எப்போது இறைவனைப் பாடலாம் என்றே காத்திருந்து இருப்பாள்.  போலும்.

கருடவாகனின் கோவிலுக்குப் போவதற்காக  முனிவர்கள்  மென்மையான சப்தமாக ஹரியின் நாமத்தை  உச்சரித்து
ஊழி வெள்ளத்தில் ஆலிலையில் மிதந்துவரும் கண்ணன் என்னும் வித்தை,உலகத்தைத் தன்னுள் அடக்கியவனைப் பாடக் கிளம்பிவிட்டார்கள்.
இன்றைய பாடல்அவள் திருவடிகள் சரண்.

அந்த  சப்தம் உன் உள்ளத்தைக் குளிர வைக்கவில்லையா. பெண்ணே எழுந்திரு என்று அழைக்கிறாள்  நம் கோதை.




எல்லோரும் இனிதாக வாழ வேண்டும்

Thursday, December 20, 2012

மாயையின் சகோதரன் மாயன்

தூய பெருநீர் யமுனைத் துறை
Add caption
கூகிள் தந்த  கண்ணன்
நிர்மால்ய  குருவாயூரப்பன்
கண்ணன்
மார்கழி ஐந்தாம் நாள்  மாயனைப் பாடும்  திருநாள். அதென்ன  எல்லாப் பாடல்களும் அவனைப் பற்றித்தானே  இதில்  இந்தப் பாடலுக்கு என்ன  மகிமை பெரிதாக என்றால்...இது அவதாரப் பெருமை,யமுனையின் பெருமை, தேவகியின் பெருமை,யசோதையின்  பெருமை எல்லாம்  விகசிக்கும்  பாடல் இது.

மாயங்கள் செய்பவன்,அதிசயங்களை  நிகழ்த்துபவன்  மாயன்.
மதுராவில் பிறந்தவன்.  யமுனையை மகிழ்வித்து  அதைத் தாண்டித் தன் தந்தை வசுதேவரால்   எதிர்க்கரையில் இருக்கும் நந்தகோபனிடம் ஒப்படைக்கப் பட்டவன்.
யமுனையைக் கௌரவித்தவன்.
வைகுந்தத்திலிருந்து கீழே  இறங்கி தேவகியின் கர்ப்பத்தில் புகுந்தததால் தாயைக் குடல் விளக்கம் செய்தவன்.
யசோதை  அவனைக் கயிற்றால் கட்டப் புகுந்தபோது கயிறு பற்றாமையால் சோர்ந்தபோது குழந்தை எடுத்துக் கொடுத்ததாம் இன்னோரு கயிற்றை.
அம்மா இதைவைத்து என்னைக் கட்டு என்று. அவன் தாமோதரன்.

அவனைத்,,,,,,,,  நாம் தூயநீரில்  நீராடி,  புது மலர்களைப் பறித்து அவனைத் தொழுது,மலர்களைத் தூவி, வாயினால் பாடி,மனதில் அவனையே    நினைத்து,உடல் பூமியில் அங்கமெல்லாம் பட கீழே விழுந்து வணங்கி னால்
இதுவரை   செய்த பாபங்களும் இனி செய்யப் போகும் பாபங்களும்(அறிந்தோ அறியாமலோ)  தீயினில் இட்ட தூசு  போல  மறையும் என்று உருதி சொல்கிறாள் நம் கோதை.
இதோ   பாசுரம்.
மாயனை மன்னு வட மதுரை மைந்தனை
தூய பெருநீர் யமுனைத்துறைவனை
ஆயர்குலத்தின்ல் தோன்றும் அணிவிளக்கை
தாயைக் குடல் விளக்கம் செய்த தாமோதரனைத்
தூயோமாய் வந்து நாம் தூமலர் தூவித் தொழுது
வாயினால் பாடுஇ மனத்தினால் சிந்திக்கப்
போயபிழையும் புகுதருவான் நின்றனவும்
தீயினில் தூசாகும் செப்பேலோர்  எம்பாவாய்....மாயனை.......
வில்லிபுத்தூர்க் கோதை தாள்களில் சரணம்.


எல்லோரும் இனிதாக வாழ வேண்டும்
Posted by Picasa

நவம்பர் 20, கைசிக ஏகாதசி

வல்லிசிம்ஹன், கார்த்திகை பிறந்தது. கைசிக ஏகாதசியும் வருகிறது.  நம்பாடுவான், கைசிகப் பண், திருக்குறுங்குடி  நம்பி என்று பல நினைவுகள். பாட்டி ...