வாழ நினைப்போம் வாழுவோம்.

வல்லிசிம்ஹன்  கவலையைப் போக்க 

கவிஞரை விடப் பெரிய மருந்து கிடையாது.

பலே பாண்டியாவில் வரும் பாடல் 

எத்தனையோ மனங்களுக்கு உற்சாகம் கொடுத்திருக்கிறது.

// வாழைமரம் படித்ததில்லை 

கனி கொடுக்க மறந்ததா

வான் முகிலும் கற்றதில்லை 

மழை கொடுக்க மறந்ததா//

இந்த வரிகளும் கேட்க மிக எளிமையாக இருந்தாலும்

அதையும் சொல்லி நம்மை உணர வைக்க

கண்ணதாசன் ஐயா வரவேண்டி இருந்தது.

பார்க்கத் தெரிந்தால் பாதை தெரியும்

பார்த்து நடந்தால் பயணம் தொடரும்

பயணம் தொடர்ந்தால் கதவு திறக்கும்

கதவு திறந்தால் காட்சி கிடைக்கும்

காட்சி கிடைத்தால் கவலை தீரும்

கவலைதீர்ந்தால் வாழலாம்.//

கவிஞரின் பொன்னான வரிகள்.

எத்தனை மனிதரின் கவலையைப் போக்கி இருக்கிறார்

நம் கண்ணதாசன்.!!!!

கர்ணன் படம் வந்த போது ஏற்பட்ட விவாதங்கள்

எத்தனையோ இருந்தாலும்,

மஹாபாரதத்தின் கர்ணனிடமிருந்து

விலகிய இன்னோரு கர்ணன் சரித்திரம்

சிவாஜிக்காக எழுதப்பட்ட விதம் வியக்கவே வைத்தது.கவிஞரின் அருமைத் தமிழில்,

கர்ணன் மனைவி இசைக்கும் பாடலில் 

ஒரு நல்ல மனைவியின் காதலும்,

ஆதங்கமும், ஆறுதலும் பூரித்து

வெளிவரும்.

சுசீலா அம்மாவின் குரலில் தான் எத்தனை 

மாயம்!!!

பாலினில் இருந்தே நெய் பிறக்கும்

பரம்பொருள் கண்டே உயிர் பிறக்கும்//

விண்ணுக்குள் பிரிவேது கண்ணா

விளக்குக்கு இருள் ஏது?

தருபவன் இல்லையோ கண்ணா நீ

தருமத்தின் தாயே கலங்காதே

கண்ணுக்கு குலமேது கண்ணா

கருணைக்கு இனமேது.!!!!!!!!!கண்ணதாசன் அவர்கள் பிறந்த நாளை ஒட்டி மனதில்

எழுந்த சின்ன நினைவலைகளில் ஒரு துளி.