பந்தம் தரும் பாதுகாப்பு

Add caption

Add caption

என்னைக் காக்கும் அண்ணா உன் வாழ்வு சிறக்கட்டும்.

அண்ணன்  கை காண்பிக்கத் தங்கையின் கரம் பிடிக்கும் சொக்கநாதர்.

 ரக்ஷாபந்தன் விழா நடந்து  முடிந்திருக்கும்  இவ்வேளை.
வடநாட்டு வழக்கம்   என்றாலும்

இந்தப் பாசப் பிணைப்பு நம்மிடமும்  இல்லாமல் இல்லை.

கனுவுக்கும் கார்த்திகைக்கும்   தம்பியோ அண்ணாவோ கொண்டுவரும் சீர்....அது பத்தோ நூறோ ஆயிரமோ
புடவையோ   எதுவோ  கொண்டுவந்து கொடுக்கும்போது கிடைக்கும் ஆனந்தம் அளவற்றதுதான்.
கடைகளில் அலை மோதும் பெண்கள்  கூட்டத்தாஇப் பாஅர்த்து அதிசயித்தேன்.
நம்மூர்ப் பெண்களுக்கு   இத்தனை ஈடுபாட என்று அங்கிருந்த ஒரு குட்டிப் பெண்ணிடம் கேட்டபோது. ,நிறைய வாங்குகிறாயே அம்மா
உனக்கு இவ்வளவு சகோதரகளா என்று கேட்டேன்.
இல்லை ஆந்டி,
இது    தொந்தரவு செய்யும் கல்லூரி நண்பர்களிடமிருந்து
தப்பிக்க நாங்கள்   செய்யும் தொந்தரவு.
எங்களுக்கு வேண்டுவது நட்பு.
அவர்களுக்கு வேண்டுவது ஊர்சுற்றல்.கன்னாபின்னானு செலவு. இரவு நேரம் கழித்து வீடு திரும்புவது.

சிலசமயம் எங்கள் பாக்கெட் பணமும் செலவாகிவிடும்.
அதுதான்  முன்னேற்பாடாக  நல்ல  குணம்பொருந்திய
நண்பர்களை ராக்கி அண்ணாக்களாகப் பாவித்து அவர்களுக்கு இந்த ரட்சையைக் கட்டிவிடுவது.

எப்பொழுதும் உன்னைக் காப்பேன் துணை இருப்பேன்
என்ற உறுதி மொழி இதில்  முக்கியம்.
அதுவும்  இப்பொழுது  நகர்களில் பாதுகாப்பு குறையும் போது
நாங்கள் வேறு வேறு  இடங்களுக்குச் சென்று படிக்க நேரும்போது
அவர்களும் துணை வருவார்கள். வீடுவரை கொண்டுவந்து விட்டுச் செல்வார்கள்.
இதைக் கேட்டதும் என் பெண்படித்த காலம் நினைவுக்கு வந்தது.
அவளும் சி ஏ  படித்ததால் இரவு ஒன்பது மணியாகும் வீடு வர.

அவள் நண்பர்கள் இரு   சகோதரர்கள். மந்தைவெளியில் வீடு,. இருந்தாலும் இவளைத் தெருமுனை வரை வந்து விட்டுப் பிறகு பஸ் ஏறிப் போவார்கள்.
அந்தப் பையன்கள் இப்பொழுது வேறு வேறு நாடுகளில் இருந்தாலும் ரக்ஷாபந்தன் கடிதம் வந்துவிடும்.
தெருமுனையிலிருந்து வீட்டு அண்ணன் அழைத்துக் கொண்டு வந்துவிடுவான்!!

இப்பொழுது காலம் மாறிவிட்டாலும்,
ஏதோ துளி அளவு பாசமாவது  மிஞ்சியிருந்தால் பெரும்பாலான
குற்றங்கள் தவிர்க்கப் படும்.

இறைவந்தான் அருளவேண்டும். என் அன்பு இணைய சகோதரிகளுக்கும் சகோதரர்களுக்கும்  பந்தபாசம்  எனும்  சிறு நூலைக் கட்டிவிடுகிறேன்.
வாழ்க வளமுடன்.



ராக்கி  கட்டிக்கொள்ள மறுத்து  ஓடும் நண்பர்களையும் பார்த்திருக்கிறேன்:)





 எல்லோரும் இனிதாக வாழ வேண்டும்