சுதந்திரம் அடைய என்ன தேவை?

வல்லிசிம்ஹன்

எல்லோரும் வளமாக வாழ வேண்டும்.

விடுதலை பற்றிப் பேசிக்கொண்டிருக்கிறேன்.

குடும்பத் தளையிலிருந்து விடுபடுவது கூட

அவ்வளவு சிரமம் இல்லை.

நம் மனம் போடும் கட்டுப்பாடுகளிலிருந்து விடுபடுவது இன்னும் சிரமம்.

கூண்டுக்குள் அடைபட்ட எலியாவது ஓடிவிடும்.

2004 லிலிருந்து 

வீட்டை விட்டு  வெளியே வந்த போது

பக்கத்தில் உள்ள கோவில்களுக்கு  வாடகை வண்டியில்

காலை கிளம்பி மாலைக்குள் வந்து விடுவது

போன்ற  தலங்களுக்கு வாரத்தில் இருமுறையாவது போவதைப்

பழக்கிக் கொண்டேன். வீட்டிலேயே இருக்க விரும்புவார் எங்கள் சிங்கம்.

பழைய  மொழிகளில் பெண் சிங்கம் வேட்டையாடப் 

போகும்  ஆண் சிங்கம்  காத்திருக்கும்.:)

இவருக்குத் தொழிலே தெய்வம்.  உதவி கேட்டு வரும் 

நண்பர்களின் வண்டிகளைச்  செப்பனிட்டுக் கொடுப்பார்.

மதிய உணவு முடிந்ததும்  தொலைக்காட்சி படங்களில்

மூழ்கிவிடுவார்.

வண்டியை எடுத்துக் கொண்டு வாருங்கள் இருவரும்

சிங்ககிரி நரசிம்மரைப் பார்த்து வரலாம்

என்றால்  '' வீட்டில இருக்கிற ராமர் போதும்

 வெளியே தேடணுமா?"" என்று சித்தர் போலப் பதில் சொல்வார்.

20 வருடங்களுக்கு முன் பழக்கமான ஶ்ரீராம்  டிராவல்சில்

சொன்னால்  12 மணி நேரத்துக்கு இத்தனை என்று பில்

போட்டு அனுப்பிவிடுவார்.

அருமையான அம்பாசடர் வண்டி  வந்துவிடும்.

காலை பத்து மணி அளவில் கிளம்பியது  தான் தாமதம்.

செங்கல்பட்டு ஏரிகாத்த ராமர், மற்றும் அச்சரபாக்கம்

கோவில்கள் என்று போய்விட்டு

நடுவில் கோவில்களில் கிடைத்த உணவை 

உண்டு விட்டுத் திரும்பும்போது அம்மா வீட்டுக்கும் போய்க்

காப்பி குடித்து   அம்மாவுக்கு ஆறுதலாகச்

சில வார்த்தைகளைப் பேசும்போது

மணி  5 ஆகி இருக்கும்.

சின்னத் தம்பி இறைவனடி அடைந்தது எங்களை வெகுவாகப் பாதித்திருந்தது.

அம்மா வந்திருந்தால் அழைத்துப் போயிருப்பேன்.

மறுத்ததனால் நான் மட்டும் சென்று வந்தேன்.

பெரிய தம்பி அப்போது  விராலிமலையில்

தன்  தொழிற்சாலையைக் கவனித்துக் கொண்டிருந்தான்.

ஒரு  குடும்பம்  இப்படி அவதிப்பட்டது அந்த நாட்களில்.

இப்போது என்னை கட்டிப் போட வெளிவிலங்குகள் இல்லை. என் மனவிலங்கே என்னை க் கட்டிப் போடாமல் நான் மேற் கொண்ட பயணங்கள் அவை.

ஏரி காத்த ராமர்.

மதுராந்தகம் ஏரி.

மீண்டும் பார்க்கலாம்.