அஞ்சலி அம்மாவுக்கு

மென்மைக்கு மறுபெயர் அம்மா.

அன்புள்ள அம்மா,

உனக்குக் கடிதம் எழுதி ரொம்ப நாளாகிவிட்ட்டது.

ஒரே ஊரில் குடி இருந்தால் கடிதம் எழுதக் கூடாது என்று எழுதப்படாத ரூல் இருக்கிறதே.

இப்போ நீ எழுதின பழைய சமையல் குறிப்புகளிலும், மருந்துகளுக்காக எனக்குத் தந்த கடைக்குறிப்புகளிலும் உன்னைத் தேடுகிறேன்.

முடிந்தபோது வாங்கித்தருகிறாயானு நீ கேட்கும்போது,

.அதுக்கென்னமா இதோ கொண்டு வந்து தருகிறேன்னு நான் சொல்லவில்லை.

ராகவேந்திரர் கோவிலுக்கு வருகிறேன் அப்படியே அங்கேயும் வரேன்

இதுதான் என் பதில்.

ஆனால் பாட்டு மட்டும் .அம்மா என்றால் அன்பு...

இதுவே நான் பெற்ற குழந்தைகள் எனக்கு சொல்ல எத்தனை நேரம் ஆகும்...

இப்படி மென்மையாக ஒரு ரோஜாவின் பனித்துளியாக நீ இருந்துவிட்டுச் சத்தமில்லாமலேயே போய் விட்டாய்.

எனக்கு இன்னோரு தரம் வாய்ப்பு கொடும்மா.

மீண்டும் பிறந்துவா.