என்ன சத்தம் (அரவம்) இந்த நேரம் 2

வல்லிசிம்ஹன்;

எல்லோரும் வளமாக  வாழவேண்டும்.

இந்தக் கதை இங்கே நிற்கவில்லை.
ஊர் மாறி, திண்டுக்கல், மதுரை சேர்ந்து 
திருமணம் ஆகி  20 வருடங்கள் கழித்து
ஒரு ஜோதிடரைச் சந்தித்தேன். அவர் என்  நாத்தனாரின்
குடும்ப நண்பர்.  அவர் முகம் பார்த்தே ஆருடம் சொல்வாராம்.
எல்லோரும் உட்கார்ந்து பேசிக் கொண்டிருக்கையில்
என்னிடம் அருகில் வந்து பேச ஆரம்பித்தார்.

எத்தனை குழந்தைகள் மா  உங்களுக்கு என்று கேட்க
நானும் சொன்னேன். நாலு குழந்தைகள் இருக்க வேண்டுமே என்கிறாரே பார்க்கணும்.!!!
இல்லையே எனக்குத் தெரிந்து மூன்று குழந்தைகள் தான் என்றேன் .

ம்ம் என்று யோசித்தவரைப் பார்த்தால் எனக்கு கொஞ்சம் பயம் தோன்றியது,
சிங்கத்துக்கு இதில் எல்லாம்  ஈடுபாடு கிடையாது.
அவர் தள்ளி உட்கார்ந்து அரட்டை அடித்துக் கொண்டிருந்தார்,

என் நாத்தனார் எங்கள் அருகில்  வந்து
சிம்மு   பிசினஸ் பற்றி  விசாரித்துக் கொள் .
என்ன வேண்டுமானால் கேளு.
நல்லதாகச் சொல்வார் என்று விட்டுப் போனார்.

அதெல்லாம் இருக்கட்டும்   உங்கள் வீட்டில் யாராவது பாம்பை அடித்துக் கொன்றிருக்கிறீர்களா  என்றார்.
சில்லென்று பயம் வந்தது.
சின்ன வயதில் பார்த்தத்தைத் தவிர எனக்கும் அதற்கும் சம்பந்தம் இல்லை என்றேன்.
இல்லம்மா உன் பிறந்த வீட்டில் யாரோ இது போல
செய்திருக்கிறார்கள்.
அதுதான்  உங்கள் சங்கடங்களுக்கெல்லாம் காரணம்.
என்கிறார்.
நானும் யோசித்தேன்.
தாத்தா, கிராமத்தில்  விவசாயம் பார்த்தவர்தான்
அப்போது ஏதாவது நடந்திருக்குமோ.
அது என் என்னை வந்து சேரணும் .
பாட்டியின்  சொத்து ஏதாவது உனக்கு கிடைத்திருக்கிறதா.

ஆமாம்.  தங்கமாக
அம்மா வழி சொத்து என்றேன்.
அதுதான் காரணம் என்கிறார்.
அதற் குப் பிறகு அவர் கேட்டதுதான் .
உன் சொப்பனத்தில் வந்தது அந்த ஐந்துதான்  என்கிறார்.
ஒரு பூஜை செய்து , வெள்ளி நாகம் ஒன்றைக் கடலில் போட்டுத் திரும்பிப் பார்க்காமல் வந்து விடு என்றார்.
நானும் சிங்கமும் போய் செய்துவிட்டு வந்தோம்.

அதற்குப் பிறகு நான் பார்க்கவில்லை.
அவர் பணம் ஏதும் வாங்கி கொள்ளவில்லை.

பிறகு  மிருகக் காட்சி சாலையில் கூடப் பார்க்காமல் தாண்டிவிடுவேன்.

எல்லோரும்  நலமாக இருக்க என் பிரார்த்தனைகள்.