பாகற்காய் மெழுக்குப்பரட்டி.

வல்லிசிம்ஹன்

பாகற்காய் மெழுக்குபரட்டி

+++++++++++++++++++++++++++++++

கோவை சென்ற புதிது. தடாகம் ரோடில் டிவிஎஸ் 

நகரில் 1970 காரடையான் நோம்பன்று போய் இறங்கினோம்.

 நல்ல பெரிய பங்களா. சுற்றி வர மண் தரை.

அங்கங்கே புல் வெளி. தண்ணீர் இல்லாததால்

வளராத செடிகள்.

கிட்டத்தட்ட 70 அடி பள்ளத்தில் தண்ணீர் தேங்கிய கிணறு.

படங்கள் இணையம். நானும் ,பெரியவனும் ,மகளும் காலையிலிருந்து இரவு 

வரை எல்லாக் காரியங்களையும் ஒன்றாகச் செய்வோம்.

சின்னவன் ஆகஸ்டில் தான் பிறக்கப் போகிறான்.

மகள் மழலை இனிமை. பெரியவன் நறுக்குத் தெறித்தாற்போல பேசுவான்:)

இத்தனூண்டு இருந்து கொண்டு 

பெரியவன் செய்யும் விஷயங்கள் சொல்லி 

முடியாது. இரண்டயும் காத்தாட

உட்கார்ந்து விளையாடட்டும் என்றால்,'' அண்ணா,

கோலி வாய்ல போட்டு" என்று சின்னது கத்தும்.

உடனே போய் அவனைத் தலை கீழா பிடித்து

முதுகில் தட்டி,

வாயில் விரலை விட்டு எடுப்பேன்.

இப்ப சொன்னால் ஐயா சொல்வார்.

குழந்தைகள் கைகளில் கோலி குண்டு கொடுக்கக்

கூடாதுமா என்று:)

சரி பாகல்காய்க்கு வரலாம்.

எதிர்த்த வீட்டில் ,சிங்கத்தின் உதவி மானேஜர் இருந்தார். திருனெல்வேலிக்காரர்.

திரு ஷண்முகம் பிள்ளை.

மனைவி கோமதி.

மூன்று மகள்கள் அவர்களுக்கு.

ராஜேஸ்வரி, பரமேஸ்வரி, செண்பக வடிவு.

குழ்ந்தைகளோடு அங்கே போய் நேரம் செலவழிப்பதும்,

அவர்கள் இங்கே இருப்பதுமாக

நாட்கள் இனிமையாக நகர்ந்த போது நான் கற்றுக் கொண்ட

சமையல் முறைகள் சில.

அதில் ஒன்றுதான் இந்தப் பாகல் மெழுக்குப்பிரட்டி.

எனக்கு இன்னும் அந்தப் பிரட்டி, மெழுக்கு 

அர்த்தம் தெரியாது.:)

தேவையான பொருட்கள்.

நல்ல அளவில் தேங்காய் எண்ணெய்,

இளம் பாவக்காய் அரைக் கிலோ

சின்ன வெங்காயம் கால் கிலோ

மலைப்பூண்டு கால் கிலோ.

சிகப்பு மிளகாய் பத்து

எல்லாவற்றையும் ஒரே அளவில் 

வட்டமாகத் திருத்தி வைத்துக் கொள்ள வேண்டும்.

தேங்காய் ஒரு பெரிய மூடி துருவி வைக்கணும்.

இரண்டு தேக்கரண்டி சீரகம் ,

நல்ல கனமான இரும்பு வாணலியில் தேங்காய் எண்ணேய் விட்டு 

நன்றாகச் சூடானதும் 

சீரகம், கிள்ளிவைத்த மிளகாய் எல்லாவற்றையும் போட்டு வதக்கணும்.

அடுத்தாற்போல் சின்ன வெங்காயம், பூண்டு, தேங்காய்,

பாகற்காய் எல்லாவற்றையும் 

ஒன்றாகப் போட்டு கைவிடாமல் வதக்கணும்.

உப்பு சேர்த்து வதக்கும் போது அரைமணி நேரத்தில் 

எண்ணெய் பிரிய ஆரம்பிக்கும்.

அவ்வளவுதான் கருவேப்பிலை போட்டு அடுப்பை அணைத்து விடலாம்

  மூடி வைக்கவேண்டியது  அவசியம்.

எஞ்சாய் பாகற்காய்!!!!!!!!!

பெரியவனும் ,மகளும் கோவையில் பாடும் பாட்டு இது.

Showing results for what does mezhukkupuratti mean?
Search instead for what does mezhukkuvaratti mean?

Search Results

Featured snippet from the web

Mezhukkupuratti is a style of preparation for vegetarian dishes in Kerala (especially in Central Travancore) where the vegetable is stir-fried with spices. Chopped onions or shallots may also be used. Usually the dish is prepared from any of the following vegetables: ... Dish is called as Pavakka mezhukkupuratti.