யுகாதி தின வாழ்த்துகள்

யுகாதி நந்நாள் வாழ்த்துகள்

மீண்டும் மலர்கள்

 எந்த சுபதினம் வந்தாலும்   கொண்டாடாமல்    விட மாட்டார்  பாட்டி.
அதுவும் யுகாதி மேல் அத்தனை  பிரியம்.
இரண்டு நாட்கள் வீடு  அல்லோலகல்லோலப் படும்.

முதலில் வாயிலில் மாவிலை கோர்ப்பதிலிருந்து
கிணற்றுச் சகடைக்கு எண்ணெய் பூசி
கிணற்றுப் பிடிச்சுவரிலும்  பூக்கள்  நிறைய வைக்கச் சொல்வார்கள்.
சாயந்திரவேளை வந்ததும்   அந்த மலர்களோடு நீரும் சேர்த்து  கிணற்றுக்குள்
சேர்த்துவிடுவார்கள்.கிணற்றின் மேல் தீபமும் ஏற்றி வைக்கச் சொல்வார்கள்.

யுகாதி புதிய உடைகளும் உண்டு.
பூரன் போளியும்,பச்சடியும்  முக்கியம்.

வெங்கடாசலபதிக்குத் தனி மாலை!
எனக்கு எல்லாம் அதிசயமாக  இருந்தது முதலில்.

பிறகுதான் பாட்டியின் அணுகு முறை புரிந்தது.

அவர்கள் சம்பந்தம் செய்து கொண்டது   ஒரு  மைசூர்
வைஷ்ணவக் குடும்பத்தில்.

அங்கே கர்நாடக  பழக்கவழக்கங்கள்,பண்டிகைகள்
எல்லாம்   பாட்டியின் பெண் பழகிக்கொள்ள  அவைகள் இங்கேயும் வந்துவிட்டன.

என்னவாக இருந்தால் என்ன?
சந்தோஷமாக இருப்பது மனிதர்களின் முதல் உரிமை.
இருக்கவே இருக்கிறது எதிர்பாராத   திருப்பங்கள்.
சந்தோஷ வங்கியை நாம் நிரப்பிக்கொள்ளவரும்

தினங்களில் நிரப்புவோம்.
பிறகு செலவழிப்போம்.

அனைவருக்கும்  யுகாதிப் பொன்னாள்   நல்வாழ்த்துகள்.


 எல்லோரும் இனிதாக வாழ வேண்டும்