குத்துவிளக்கெரிய கோட்டுக்கால் கட்டில் மேல்....

கிருஷ்ணா  சரணம்

குத்துவிளக்கெரிய

சங்கம்

 திருப்பாவை  19 ஆம் பாசுரம்
*********************************

 குத்துவிளக்கெரிய  கோட்டுக்கால் கட்டில் மேல்
மெத்தென்ற பஞ்சசயனத்தின் மேலேறி
கொத்தலர் பூங்குழல்   நப்பின்னை கொங்கை மேல்
வைத்துக் கிடந்த மலர்மார்பா  வாய்திறவாய்!!

மைத்தடங்கண்ணினாய் நீ உன் மணாளனை
எத்தனைபோது துயிலெழ வொட்டாய் காண்
எத்தனையேலும் பிரிவாற்றகில்லாயால்
தத்துவம் அன்று தகவேலோர் எம்பாவாய்.
*****************************************
மிக எளிதாகப் புரியும்படியே அமைத்திருக்கிறாள்
நம் ஆண்டாள்.
நப்பின்னையை எழுப்பியாயிற்று.
அவளோ வருவதாகக்  காணோம்,
வளையல் சத்தமும் சந்தனவாசமும் பூக்கள் நறுமணமும் ஆண்டாளை
வந்தடைந்து உள்ளிருக்கும் செய்தியைச் சொல்கின்றன.


கண்ணன் தன் காதலியைப் பிரிய மனமில்லாமல்
அவளை அணைத்த நிலையில் இருக்க,தாயாரான நப்பின்னையாவது அவனை எழுப்ப வேண்டாமா என்ற தாபத்தை விளக்குகிறாள்  நம் கோதை
எவ்வளவு நேரம் இப்படியே கடத்துவது. கொஞ்சம் கருணைவைத்து
வந்து எங்களுக்குக் கண்ணனின்  தரிசனம் கிடைக்க வழி செய்யம்மா'' என்று உருகுகிறாள்.
கோதை எனும் என் தாயே உன் பொறுமை எங்களுக்கும் கிடைக்க வழிசெய்வாய்.
உன்சரணாரவிந்தங்களில்    நமஸ்காரங்கள்.


எல்லோரும் இனிதாக வாழ வேண்டும்