சில செய்திகள்

வல்லிசிம்ஹன்

இந்த ஊரின் சீதோஷ்ணம் எப்பொழுதும் 

ஒரு சீராக இருக்கிறதா என்று தேடிக்கொண்டிருக்கிறேன். 

கோடை முடிந்து அக்டோபர் மாதம் வரை 

கொஞ்சம் காற்று  பலமாக அடித்து நவம்பரில் இருந்து குளிர் துவங்கியது.

இவர்கள் எல்லாம் லட்சியமே செய்யவில்லை.

நல்ல வெதர் என்று சொல்லி மகிழ்ந்தார்கள்:)

சென்னையில் மழை மழை என்று கேட்டு 

அலுத்தசமயம், இங்கே பனிமழை ஆரம்பித்துவிட்டது.!!++++++++++++++

+++++++++++++++++++++++++++++++++++++++++++++++++++++++++++++++++++++++

புத்தாண்டு பிறந்து ,அதற்கும் முன்பிருந்தே வாழ்த்துகள்

பறக்க ஆரம்பித்து,

மழை அரக்கன் எங்கள் உற்சாகத்தை ஒன்றும் செய்ய

முடியாது என்று பறை அறிவித்தன.

வாட்ஸாப் வரும் முன்னர் என்ன செய்தோமோ

என்று நினைக்கத் தோன்றுகிறது.

அமெரிக்கா முழுவதும் நோய்ப் பரவல் அதீதமாக இருக்கும்

நேரம் .அவரவர் இல்லங்களுடன் 

புதுவருடத்தை வரவேற்றுக் கொண்டார்கள்.

++++++++++++++++++++++++++++++++++++++++++++++

சென்னையில் 30 ஆம் தேதியின் அபாய மழையால்

வயோதிகர்களும், வேலையில் 

இருந்து திரும்புவர்களும் பட்ட அவதிகளைக்

கண்டு அதிலிருந்து மீள நேரம் ஆகிறது.

எங்கள் வீட்டில் 80,90 வயதுகளில் இருக்கும்

உறவுகள் அதிகம். எல்லோருக்கும் 

மகனும் ,மகளும் வேறு வேறு கண்டங்களில் வசிக்கிறார்கள்.

இருவர் வீட்டை மழை வெள்ளம் சூழ,

அவர்கள் பட்ட அவதி கொஞ்ச நஞ்சம் இல்லை.

இதே போன்ற மழை இன்னும் மூன்று வாரத்துக்கு ஒரு முறை தொடருமாம்.

மனதால் எத்தனை பிரார்த்தனைகள் அனுப்ப

முடியுமோ அத்தனையையும் அனுப்பிக் கொண்டிருக்கிறேன்.

அங்கும் இங்கும் என்று மனம் 

சென்று வந்து கொண்டிருக்கிறது.

+++++++++++++++++++++++++++++++++++++++++++++

இன்று அனுமத் ஜயந்தி. எங்கள் பாங்க் ஹனுமான் 

பழங்களாலும் வெண்ணெயாலும், வடை மாலைகளாலும் சூழப்பட்டுத்

திவ்ய தரிசனம் அளித்துக் கொண்டிருப்பார்.

அவரே சென்னை மக்களை மீட்டு காக்க வேண்டும்.

நோய் பரவாமல் ,மக்கள் கவனத்துடன் இருக்க அவரே துணை.

ஜெய் ஸ்ரீராம். ஜெய் ஹனுமான்.