சின்னக் குழந்தை சேவடி போற்றி.

வல்லிசிம்ஹன்

சூர சம்ஹாரக் காட்சிகள் பொதிகையில்

ஒளி பரப்பாகும் நாள்

நாமும் அந்தக் கூட்டத்துடன் ஒன்றி கந்தனைச் சேவிப்போம்.

அகந்தையையும், கர்ம வினைகளையும் அழிக்க வந்த

வள்ளலின் நாமம் எங்கும் ஒலிக்க,

செந்தூர் அலைகள் துதி பாட

அந்த உணர்ச்சி மிகும்

ஓசைகள் நம் சிந்தையைச் சுத்தம் செய்யும்.

++++++++++++++++++++++++++++++++++++++++++++++++

எப்பொழுதுமே கோபுரங்களும் விளக்குகளும் நமக்கு ஆதரவு

தரும். நான் உள்ளிருக்கிறேன்

என்று அந்த வேல் உரைக்கும். 

இன்றும் வேலா உன்னிடம் வேண்டுகின்றேன்.

இப்பொழுது என்னைத் துன்புறுத்தும் 

இந்த வலிகளிலிருந்து எனக்கு விடுதலை கொடு.

நீ கொடுப்பாய். நம்பிக்கை உண்டு.

உன் அம்மையும் அப்பனும் ,அன்பு சகோதரனும்,

உன மாமனும் மாமியும் , உன் இரு மாதரும்

அனைவருக்கும் நல் வழி காட்டட்டும்.