சில பல கானங்கள்

வல்லிசிம்ஹன்

நமக்கு ஒரு சில பாடல்கள் மட்டும் 

மனதின் முன்னணியில் நின்று காதில் ஒலித்துக் கொண்டே இருக்கின்றன

என்று சில நேரம் யோசிப்பதுண்டு.

நல்ல எழுத்துகள்  அகத்தில் பதிவது போல

எப்பொழுதோ கேட்ட  இசை

திடீரென்று சிந்தையில்  நடமாடும். 

இது வரை அதற்கான காரணங்களை ஆராய்ச்சி செய்வதில்லை.

இதற்கெல்லாம் ஆதி காரணங்களை

ஆராயப் பலர் இருக்கின்றனர்.

சமீபத்தில் ஒரு நெடு நாளைய தோழி

சொன்னதைப் போல ''இன்றைய நன்மைகளை

அனுபவியேன் ரேவதி. !! யேன், எப்படி என்று கேள்வி கேட்டு

இந்தக் கணத்தை விட்டு விடாதே.''

எப்பொழுது  பார்த்தாலும் விசாரம், விசாரணை,

தேடல் என்றில்லாமல்  அந்தந்த நொடியைக்

கெட்டியாகப் பிடித்துக் கொள்ள முயற்சிக்கிறேன்.:)