இன்றும் இன்னும் வரப்போகும் நாட்களுக்கான.

தை மாத நாட்கள் குளிர் நின்று வெய்யில் படர ஆரம்பிக்கும்

காலம். 

பலப் பல திருமண் நாட்கள். இன்று 

என் மாமனார் மாமியார் திருமண நாள். 1930இல் 

நடந்தது. 

அந்தக் கால மைலாப்பூரில் 

இப்போதைய லேடி சிவஸ்வாமி, அப்போதைய நேஷனல்

பெண்கள் பள்ளியில் படித்த பெண்ணைப்

பார்த்து இவளே என் மனைவி என்று தீர்மானம் செய்தவர்

பி எஸ் பசங்க பள்ளியில் படித்த மாமனார்.

அவர் கல்லூரிப் படிப்பை முடித்த பிறகே

திருமணம் நடந்தது.

அவ்வளவு பெரிய ஆளுமையுடன் இருந்தவரை

என் மாமியார் சமாளித்த விதம் 

மிக அருமையும் சிறப்பும் நிறைந்தது.

மாமனாரின் அரட்டல், உருட்டலுக்கெல்லாம்

மசிந்து விடமாட்டார்.

''நீ இரு மாமா. நானெல்லாத்தையும் பார்த்துக்கறேன்

என்று சொல்லி விடுவார்.!"

பெற்ற நான்கு  பெண்களுக்கும் அருமையாகச் சீர் செய்து

சுணங்காமல் பார்த்துக் கொண்டு,

மாமியார் சொற்களுக்கு அசராமல்,

துணைக்கு என்னையும் மருமகளாக

ஆக்கிக் கொண்டவர்.

47 வருடங்கள் மங்கலமாக வாழ்ந்து 

மாமனாரையும் நிறைவாகவே அனுப்பி வைத்தார்.

ஒரு குடும்பம் ஸ்திரமாக இருக்க

என்னவெல்லாம் செய்ய வேண்டுமோ

அவற்றைச் செவ்வனே செய்தவர்.

கண் பார்வை மங்கின காலத்திலும் அவர் காட்டிய தைர்யமும்

தன் நம்பிக்கையும் அளவிட முடியாதது.

இந்த இனிய தம்பதியை,

என் கணவரை எனக்குக் கொடுத்தவர்களைப்

போற்றி வணங்குகிறேன்.

👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫👫