தந்தை என்னும் தெய்வம்

வல்லிசிம்ஹன்

தந்தையைப் போல் உலகிலே தெய்வம் உண்டோ

என்று ஒரு பழைய பாடல்.

சில பாடல்கள் நம்மை உலுக்கி

கலங்க வைக்கும். 

அனேகருக்கு தந்தை என்பவர் ஒரு முன் மாதிரி. எங்கள் அனைவருக்குமே 

அப்பா என்றால் தனிதான்.

நாங்கள் ஒன்று கேட்டு அவர் தராமல் இருந்தார் என்பதே 

கிடையாது.

அம்மாவின் சொற்களையும் மீறி அதை நிறைவேற்றுவார்.

இவர்கள் எல்லாம் இல்லாமல் நானும் இருந்து கொண்டிருக்கிறேன்.

அவர் இருந்தால் சொல்லி இருப்பார் உனக்கென்று கடமைகள்

இருக்கும் போது

அதிலிருந்து நழுவ முடியாது. 

கீதையின் வார்த்தைகளைச் சொல்லுவார்.

பள்ளி நாட்களில் நான் வீடு திரும்ப நேரம் எடுத்தால்

திரும்பும் வழியில் அவரைப் பார்க்கலாம்.

என்னுடன் வரும் தோழிகளைக் கண்டுவிட்டு

வீடு திரும்பி விடுவார்.

என்னப்பா ,காவல் தெய்வமா உங்க அப்பா

என்று சொன்ன தோழியுடன் இரண்டு நாட்கள்

பேசவில்லை நான்.

என் தம்பியின் மகள் பள்ளியிலிருந்து வர

தாமதமாகுமா என்று கேட்டுத் தெரிந்து கொண்டு

ஹோலி ஏஞ்சல்ஸ் வாசலிலேயே 

நிற்பார்.

திருமணம் நடந்தவுடன் கடிதங்களில்

அறிவுரை தொடருமே தவிர

மாப்பிள்ளையை விமரிசனம் எல்லாம்

செய்ய மாட்டார்.

அப்படி ஒரு பாசம் அவர் மேல்.

அதே பாசம் பேத்திக்கு நிச்சயம் செய்த மாப்பிள்ளையுடனும்.

அன்பு தெய்வம் அப்பாவுக்கு 25 ஆம் வருட அஞ்சலிகள்.

உங்கள் தியாகத்தால் நான் வாழ்கிறேன் அப்பா.🙏