வெண்ணிலா நிலா.என் கண்ணல்ல வா.

வல்லிசிம்ஹன்இனிய காலை வணக்கம் அனைவருக்கும்.

ஆரவல்லி என்ற படம் வந்த புதிதில் இந்தப் பாடல் அத்தனை நல் வரவு பெற்றது.

மைனாவதியுடன் கூட நடிப்பவர் யார் என்று தெரியவில்லை.

ராஜாவும் ஜிக்கியும் பாடும் பாடல்கள்

எல்லாமே மனத்தை இனிமையாக்கும்.

சிலோன் வானொலியில் அடிக்கடி 

கேட்ட பாட்டை ஆங்கிலப் பாடலாக

ஹிட்ச்காக் படம். ''The man who knew too much"

என்ற த்ரில்லர் படத்தில் கேட்டேன்.

ஆங்கிலத்தில் கேட்டதை விடத் தமிழில் கேட்பது இன்னும்

சுகமாக இருந்தது.

அந்தப் படத்தில் டாரீஸ் டே, மகனை மகிழ்விக்கப்

பாடுவார்.

பின்னர் அதே மகனை விடுவிக்க,

இதே பாடலை இசைக்கவும்,

அவன் மறைத்து வைக்கப் பட்ட இடத்திலிருந்தே

விசில் அடித்து அந்தப் பாட்டை இசைப்பான்.

பார்க்கும் நம் மனம் படபடக்கும்.

முன்பே இந்த ஆங்கிலப் படத்தைப் பற்றி எழுதி இருக்கிறேன்.எப்படி அவன் , தந்தையால் விடுவிக்கப் படுகிறான்
என்பதே க்ளைமாக்ஸ்.