தொடரும் எண்ணெய் ஆனந்தமும் உபத்திரவங்களும். 2

வல்லிசிம்ஹன்

அனைவரும்   

நலமாக வாழ வேண்டும் .

எண்ணெய்க்கு குளியல்களின் வேறு வேறு காலங்கள்.

குழந்தைகள்  பெரியவர்கள் ஆனார்கள்.  அவர்களது பள்ளிப்படிப்பு சென்னையில் தொடர்ந்தது.

இஷ்டத்துக்கு ஆடி க் கொண்டிருந்தவர்களை பெரியவர்களின் 

கண்டிப்பு கொஞ்சம்  கட்டிப் போட்டது.

மிகுந்த நல்ல பழக்கம், நல்  வார்த்தை களோடு 

வளர்ந்தவர்களுக்கு    இந்தக் கடும்  சொற்கள் 

சுண ங்க வைத்தது. கூட்டு குடும்பம் . வருபவர்கள், இருப்பவர்கள்,

செல்பவர்கள்  என்று அத்தனை பெரியவர்களின் வார்த்தைக்கும் கட்டுப் பட வேண்டி வந்தது.

என்னைவிடப் பொறுமை சாலிகளாக வளர்ந்தார்கள்,குழந்தைகள்.

எண்ணெய்க்குளியல்  குறைந்தது.

பெண்ணுக்கோ நீண்ட அடர்த்தியான கூந்தல்.

வீட்டிலோ தண்ணீர்ப் பஞ்சம் அடிக்கடி வந்து விடும்.

என் இரண்டு தோழிகள் உதவியால் தண்ணீர்

இரண்டு அண்டாக்களில் வந்து இறங்கும்.

எண்ணெய் தேய்த்து அலச வேண்டியது 

என் பொறுப்பு.

சாம்பிராணி எல்லாம் மறந்தாகிவிட்டது.

சைனஸ் பிடித்துக் கொண்டது:)

++++++++++++++++++++++++++++++++++++++++++

     நாக்பூரிலிருந்து  வந்த ஒரு அத்தை ,குளியலறையில் புகுந்தால் வெளியே

வரமாட்டார்.

எங்கள் படுக்கை அறை குளியலறையை அவரது

வீட்டுக்காரர் எடுத்துக் கொண்டதால் என்னாலும் போக முடியாது.

அப்படித்தான் பாட்டியின் குளியலறையில் எண்ணெய்

எடுத்துக் கொண்டு குளிக்கப் போய்,

அவசரக் குளியலுக்குப் பிறகு, கிண்ணத்தை

அங்கே ஸ்டாண்டில் வைத்துவிட்டு வந்துவிட்டேன்.

கிண்ணத்தில் மிச்சமிருந்த இரண்டு தேக்கரண்டி

எண்ணெயைப் பார்த்து அன்று நடந்த களேபரத்தில்,பாஞ்சாலி சபதம் போல

இனி இந்தக் குளியல் வேண்டாம் என்று தீர்மானித்தேன்.

ரோசத்துக்கு எப்பொழுதும் என்னிடம் குறைவிருந்ததில்லை,.:)

இங்கே குறிப்பிடுவது சிங்கத்தின் அத்தைகள், அத்திம்பேர்களைக் குறித்து:)

குற்றம் பார்க்கில் சுற்றம் இல்லை

என்று விலகி விட வேண்டியதுதான்.

இதே காரணத்துக்காகவே என் மாமியாரும்

எண்ணெய் ஸ்னானம் எடுப்பதில்லை 

என்று அறிந்தேன்.

அவர்களுக்கே அந்த நிலமை 

நானெல்லாம் சுண்டைக்காய்  இல்லையா.:)

++++++++++++++++++++++++++++++++++++++++++++++++++

பாட்டி மறைந்த பிறகு மாமியாருக்கு இன்னும் சுதத்திரம் கிடைத்தது.

நினைத்த இடங்களுக்கு விருப்பம் போலச் சென்று வந்தார்.

பேத்திக்காகப் பல இடங்களிலிருந்து

பகீரதன் போலத் தண்ணீர் வரவழைத்துக் கொடுத்தார்.

பாட்டிக்கும் பேத்திக்கும் ஒரே அறை.

அதனால்  சௌஜன்யம் ஆதிகரித்தது

பாட்டிக்குக் கண்ணும் தெரியாமல் போனதில் 

பேத்தி, பாட்டிக்கு வலது கை ஆனாள்.

அது ஒரு அபூர்வ அன்பு.

++++++++++++++++++++++++++++++++++++++++++++++++++++++

இப்போதெல்லாம் எண்ணெய் என்று சொன்னாலே 

மிரள்கிறது எனது தலை.துளி எண்ணெய் வைத்தால்

 போதும் தலைவலி வந்துவிடும். 

தொடரும்.