இங்கிலிஷ் பாட்டி 2

வல்லிசிம்ஹன்

எல்லோரும் வளமாக  வாழ வேண்டும் .
 இங்கிலிஷ் பாட்டி  2

முதல் பகுதியில்  ஆனந்தி  30 வருடங்களுக்குப் பிறகு திருச்சிக்குப்  பக்கத்தில் மாகாளிபுரத்துக்கு வரும்போது  சந்திக்கும் ஆச்சர்யங்கள் பற்றி எழுத ஆரம்பித்தேன்.

ஆனந்திப்பாட்டி  முதன் முதலில் எடுத்த படம்  30 வருடங்களுக்கு முன் எடுத்தது.

ஆனந்தியின் கணவர் நாகரிக்கத்தில் மிகவும் பற்றுள்ளவர்.

அதாவது அமெரிக்க நாகரிகத்தில்.

திருமணம் ஆகி வந்ததும் அவர் செய்த முதல் வேலை 

அவளுக்கு பாண்ட் சட்டை போடக்  கற்றுக் கொடுத்துதான்.

நீளக்  கூந்தலும் பொட்டுமாக அவள் வளைய வந்தது அவரது 

மற்ற தோழர்களுக்கு வேடிக்கையாக  இருந்தது.

அவர்களது மனைவிகள் கற்றுக் கொடுத்த முறைப்படி 

கூந்தல்  கழுத்துடன் நின்றது.

இல்லையே அப்படி எல்லாம் இப்போது இல்லையே,

என்பவர்களுக்கு  சொல்லிக் கொள்வது இது நடந்தது ஆனந்தியின் வாழ்வில்,

Midwest  நகர் ஒன்றில்  ,ஒரு மழைப் பிரதேசத்தில் 

அவர்கள் குடியேறிய போது  நடந்தது.

அவளுக்கும் மேல் படிப்புக்கு வசதி செய்து கொடுத்து வேலையும் வாங்கிக்  கொடுத்தார்.

அம்மா போற்றிப் போற்றி வளர்த்த கூந்தல்  காதோரத்துக்கு வந்து. கொசு அளவில் போட்டு உருமாறி 

மாநிறம் சிவப்பாகி ஆளே  மாறி  4 வருடங்களுக்குப் பிறகுக் கணவனோடு வந்தவளைக் கண்டு 

ஊரே திகைத்தது.

இப்போதிருக்கும்  ஆனந்திப் பாட்டி .
வருடங்கள்  செல்ல கிராமத்தவர்கள்  ஆனந்தியின் 

தோற்றத்துக்குப் பழகிக் கொண்டாலும்  அவள் கணவர் 
மறைந்த பிறகு இப்போது அதே அலங்காரங்களுடன் 
வந்தது அவர்களுக்கு ஏற்கவில்லை.  பார்க்கலாம்.