மார்கழி 13 ஆம் நாள் புள்ளின் வாய்க் கீண்டானை

வல்லிசிம்ஹன்

எல்லோரும் வளமாக  வாழ வேண்டும் 

மார்கழி 13 ஆம்  நாள் புள்ளின் வாய்க் கீண்டானை 
++++++++++++++++++++++++++++++++++++++++++++++++++++



மார்கழி  13ஆம் நாள் , திருமாலின் அவதாரங்களில் கண்ணனையும் ராகவனையுமே சேர்த்துப்  போற்றுகிறாள் கோதை.

வெண்மை நிறத்தில் பெரிய கொக்காக வந்த அரக்கனை அவன் வாய்க்குள் 
புகுந்து இரண்டாகக் கீறி மாய்த்து விடுகிறான் சின்னக் கண்ணன்.

ராகவனோ பத்துத் தலை ராவணனின்  சிரங்களைக் கிள்ளிக் 
களை கிறான்.

ராமனையும் கண்ணனையும் பாட எல்லோரும் 
பாவை த்தலத்துக்கு   அதாவது திருப்பாவை பாடி   சேவிப்பதற்காகவே  ஏற்பட்ட இடத்துக்கு   வந்துவிட்டார்கள்.
அழகிய மலர்ந்த தாமரை போன்ற கண்களைக் கொண்டவளே 
பறவைகள்  சேர்ந்து  ஒலி  எழுப்பிக் களிப்பது 
உன் காதுகளில் விழுகிறதா.

இதோ வானில் வெள்ளி முளைத்து விட்டது. 
பிரகஸ்பதி  உறங்கி சுக்கிராச்சாரியார் விழித்து எழுந்து விட்டார் 


நாம் எல்லோரும் கண்ணன் பக்தர்கள்.
தனித்தனியே போவது அழகில்லை.
நதியில் குள்ளக்  குளிர முங்கி குளித்து ஆனந்தித்து 

எங்களுடன் வந்து  அவனை அனுபவிக்க  வா. 
ஆண்டாள்  திருவடிகளே சரணம்.