எழுத்து கண்ணெனத்தகும்

பேராசை பெருநஷ்டம். கேள்விப்பட்டு இருக்கீங்களா.
அது என்ன எல்லாருக்கும் உள்ளததுதானே அப்படீன்னு யாரும் சொல்ல மாட்டீங்க.

பல

பதிவெல்லாம் ஸ்மூத்செயிலிங் வகை. நம்ம பதிவு அப்படியில்லையே. எங்கேயோ கோளாறு நடந்திருக்கு. என் எழுத்து எல்லாம் வெளிறிப் போச்சு.
　
எப்படி இருந்த நாச்சியார் இப்படி ஆகிட்டாங்களேன்னு எல்லாரும் உச்சுக் கொட்டறமாதிரி ஏன் இந்தக் கலக்கம் வந்தது. ஒரே ஒரு சோதனை செய்ததுனால வந்த வினை.
　
அந்த முகப்பில கஸ்டமைஸ்னு ஒரு குட்டி வார்த்தை இருக்கும். ஒஹோ. சரி நாமளும் டிசைனர் ட்ரெஸ் மாதிரி டிசைனர் ப்ளாகாச் செய்துடலாம், அப்படியாவது இன்னும் கொஞ்சம் மக்கள் எட்டிப் பார்ப்பாங்களான்னு ... ஒரு நப்பாசை.
　
இப்ப மல்லிப்பூ கடைக்கு எதுக்கு விளம்பரம் போஸ்டர் அப்படீன்னு யாரும் பழமொழி சொல்லக் கூடாது. பதிவுலகத்தில போட்டி நிறைய ஆகிட்டது. நமக்கோ பார்க்க கேட்க நிறைய செய்தி கிடைக்கிறது. அதைப் பகிர்ந்து ஒரு ஸ்டைலாக் கொடுக்கலாம்னு அந்த விபரீத எண்ணம் வந்த நேரம்,
ஊர் உலகக் கோவில்களில் இருக்கும் அத்தனை நாச்சியார்களுக்கும் கிலி பிடிச்சிருக்கு. நம்ம பேரை வச்சுக்கிட்டு, இந்த பெரிசு செய்யற கூத்தைப் பார்த்தியா. அப்படீன்னு அவங்க அவங்க தலைல லேசா நாசூக்காத் தட்டிக்கிட்டாங்களாம். அதனல் நான் இப்பச் சொல்ல வரதை மக்களே  ஒரு பாசிடிவ் ஃப்ரேம் ஆஃப் மைண்டோட ஏத்துக்கோங்க.

இன்று காலைலெருந்து, என் பதிவுக்குப் புது வேஷமெல்லம் போட்டுப் பார்த்துட்டேன். ஒண்ணும் பலிக்கலை. படிக்கிறத்துக்கு ஆள் இல்லைன்னா எழுதி என்ன பிரயோசனம்னு நினைத்ததால இப்ப ஒரு யோசனை தோணி இருக்கு. இந்தப் பதிவு எப்படி வருதுன்னு பார்த்துட்டு, மீண்டும் சந்திப்போம்:)))))))

எல்லோரும் வாழ வேண்டும். நாட்டில் எல்லோரும் வாழ வேண்டும்.