விக்டோரியா ரீஜியா.

வல்லிசிம்ஹன்

இந்தப் படத்தைப் பார்த்ததும் எந்தப் படப் பாடல் நினைவுக்கு

வருகிறது?

இதுதான்:0) 1962 இல் வந்த வீரத் திருமகன் படம்.

திண்டுக்கல் சக்தி தியேட்டரில்  வெளியடப் பட்ட படம்.

மதியம் மூன்று மணி  ஷோவுக்கு முன்னால்

படப்பாடல்கள்  ஒலி பரப்புவார்கள். அந்த

வருடம் டான்ஸில்ஸ் தொற்றினால் 

அடிக்கடி காய்ச்சல் வரும்.

மாதத்துக்கு இரண்டு மூன்று நாட்களாவது

வீட்டில் இருப்பேன். அந்த ஜுர வேகத்திலும்

இந்தப் பாடல்களும், 'படைத்தானே ஏஏஏஏஏ'' பாடல்

' மாலை சூடும் மண நாள்"  என்று நிச்சய தாம்பூலப்

பாடல்களும் ஒலிக்க , அவைகளைக் கேட்ட படி உறங்கி

விடுவேன்.

இந்தத் தாமரை மலர்கள் அமேஸான் காடுகளில்

மலருமாம்.

பாட்டனி வகுப்பில் அறிந்தது.

மறக்கவே இல்லை.

பின்னாட்களில் தொலைக்காட்சியில் வரும் க்விஸ் 

நிகழ்ச்சியில் கேட்டால் பதில் சொல்லும் கேள்விகளில் 

இதுவும் ஒன்று:)

'உங்க அம்மாவுக்கு சினிமா சம்பந்தமா என்ன கேட்டாலும்

பளீர்னு பதில் சொல்வாள்" என்று மாமியார் சிரிப்பார்.!!!

நமக்கு வேறு ஒன்றும் கற்க நேரம் இல்லையோ

 என்ற குறை தோன்றும் சில சமயம். இப்பொழுதான்

எல்லாம் இணையத்திலேயே கிடைக்கிறதே!!

Nothing Lost!! நிறையப் பெண்களின் கதைகளும் என்னோடு 

ஒத்துப் போகும். 

சாதனையாளர்கள் 

பளிச்சிடுவது சாதாரணப் பெண்கள் மத்தியில் தான்:)

இந்த ஊரில் இன்று ஆசிரியர்கள் தினம்.

என் தோழிகளின் கணவர்கள்  பேராசிரியர்கள்.

என் தோழி ஒருத்தி ஓய்வு பெற்ற பேராசிரியை.

இன்னும் பலவிதங்களில் நம்மை

நல்வழிப்படுத்தும் அத்தனை உயிர்களும் அனைவருமே நம்

குருக்கள் தான். அனைவருக்கும் வந்தனங்களும்

வாழ்த்துகளும்.