என் உயிர் நின்னதோன்றோ!

வல்லிசிம்ஹன்

எல்லோரும் நலமாக வாழ வேண்டும்.

ஏதோ  ஒரு  வீரன்  நிற்பது  போல ஒரு தோற்றம் இந்த நிழல்
படம் எனக்கு பிரமை கொடுத்தது.
பாஹுபலி   தொடர்ந்து பார்ப்பதின்  விளைவோ என்று நினைத்தேன்.

அது இல்லை .என் நிஜ வாழ்வின்  கதா நாயகன், கண் முன்னே 
நிகழ்த்தி  ,என்னை அதிர வைத்த  கதை.
சிங்கம்  இப்படித்தான் உயரத்தில் நின்று  போகன்வில்லாக் கிளைகளை வெட்டுவார்.

வீட்டின் மரம்  போகிறவர் வருகிறவர்களுக்கு இடைஞ்சலாக இருக்கிறது என்று வெளியே ஏணியை வைத்து 
ஏறும்போது நடைப்பாதையில் இருக்கும் பள்ளங்கள் சில சமயம் 
ஏணியை ஆட்டம் கொள்ள வைக்கும்.

போகிற வர நண்டு சுண்டு ,மாமிகள் மாமாக்கள் எல்லாம் 
என்ன ஹார்ட் வொர்க்  என்று பாராட்டிவிட்டுப் போவார்கள்.

சற்று ஆடினாலும்,
வருகிற பஸ் ,கார் இடித்துவிடப் போகிறதே என்று பயமாக இருக்கும்.

 இந்த நிழல் அந்த சம்பவத்தை நினைவுக்கு கொண்டு வந்தது.