எல்லோரும் நலமாக வாழவேண்டும்.

வல்லிசிம்ஹன்

எல்லோரும்  நலமாக வாழவேண்டும்.

நல்  வாழ்வு சிறக்கட்டும் 

இந்தக் கிருமி, வந்திறங்கிய நாளிலிருந்து 
காதுகள் புளித்துப் போகும் விவரங்கள்.

பள்ளிக்கூடப் பிள்ளைகள் ப்ளே டேட் வைக்கக் கூடாது.
தினப்படிப் பாடங்கள்.
அடிக்கடி பள்ளியிலிருந்து வரும்  ஈமெயில்.
லீவும் இல்லாமல், விளையாடவும் 
முடியாமல் அடக்கி வைக்கப் படும் சக்தியை இந்தக் குழந்தைகள் 
என்ன செய்யும்.?

கைகளில்  அலைபேசியைப் பார்த்துப் பார்த்து 
அசராமல் விளையாட்டு.
இரண்டுங்கெட்டான் வயசு.
இதமாகச் சொன்னாலாவது கேட்கும்.
முரட்டுத்தனம் அவர்களிடம் எடுபடாது.
இளங்கன்று அல்லவா.

பக்கத்து வீட்டில் ஏற்கனவே உடல் முடியாத
கணவனும் மனைவியும். ஒரு பாட்டியும்,
இரண்டு பதின்ம வயதுப் பெண்களும்.
அதற்கு அடுத்த வீட்டில் கலகலப்பான  இன்னோரு குடும்பம்.

எல்லாரும் இந்த சமயத்தில் வெய்யில் அடித்தால் 
போதும் ,சைக்கிளில் வலம் வருவார்கள்.
இன்று இந்தக் கிருமி எல்லோர் வாழ்க்கையையும்
புரட்டிப் போட்டு விட்டது.
வீட்டில் இருக்கும் பெற்றோர்கள் பாடும் சிரமம்.
கவனமாகக் கை கழுவ வைத்து,
ஊட்ட சாப்பாடு கொடுத்து, 
அவர்கள் மூட் ஸ்விங்கைச் சமாளித்து,

அப்பப்பா என்று அசர வைக்கிறது.
நம் ஊரிலும்,கண் நோய் வந்திருக்கிறது, பொன்னுக்கு வீங்கி வந்திருக்கிறது,
அம்மாவின் பார்வை விழுந்திருக்கிறது.
இந்த நோய் பரப்பும் பயம் போல் அப்போது இல்லை.
இடைவிடா தியானம், இறைஅருளில் நல்ல நம்பிக்கை
எல்லாம் பொறுமையைக் கொடுத்தது.
இப்பொழுதும் என் வரையாவது அந்தப் பாடங்களைப் பின் 
பற்ற வேண்டும்.
எத்தனையோ மருந்துகள் சொல்லி இருக்கிறார்கள்.
மனதுக்கு ஔஷதம் இறை நாமம்.
உடலுக்கு மஞ்சள் தண்ணீர்.
குடிக்க.
சுத்தம் சுத்தம் சுத்தம்.
இதையும் கடப்போம். அத்தனை கடவுளர்களும் வைத்தியர்களாக
 நம்மைக் கரையேற்றுவார்கள்.