மார்கழி 27,கூடாரை வெல்லும் சீர்க் கோவிந்தா!

வல்லிசிம்ஹன்
எல்லோரும் வளமாக வாழவேண்டும்.

திருப்பாவை 27 ஆம் நாள் கூடாரை வெல்லும் சீர்க் கோவிந்தா!

கோதையும் கோவிந்தனும் நேருக்கு நேர்  பேசிக்கொள்ளும் பாவனையில் அமைந்திருக்கும் பாசுரம். 

கோவிந்தா உன்னை 

வந்து அடைந்திருக்கிறோம் .

அப்படி உன்னை அடையாதவர்களை நீ வென்று விடுகிறாய்.

சீருடைய  ,சீலம்  நிறைந்த  கண்ணா,

உன்னைப் பாடி ,பறை மற்ற  வாத்தியங்கள் கொண்டு நாங்கள் செய்த துதிக்கு நீ  சம்மான மாகச் செய்ய வேண்டியது என்ன தெரியுமா.

ஸ்ரீ சேங்காலிபுரம் அனந்த ராம தீக்ஷிதர் நினைவு வருகிறது.

ஆனந்த  லஹரி யில் 

அம்பாளை வர்ணிக்கும்  அற்புதமாக  வார்த்தைகள் காதில் விழும்.அம்மா  ,உங்கள் நெற்றியில் காஷ்மீராக குங்குமம், பாதங்களில் ரத்தின  பதித்த கொலுசு, இடையில் தங்க ஒட்டியாணம்,

கைகளில்  மரகதம், சிகப்பு கற்கள்  அமைந்த கங்கணங்கள் ,

வாயில் தாம்பூலம் , இடுப்பில் பட்டாடை,கண்களில் மை  என்று 

மனமுருகச்  சொல்வார்.

🙏🙏🙏🙏🙏🙏🙏🙏🙏🙏🙏🙏🙏🙏🙏

அது போல நம் ஆண்டாளும் கண்ணனிடம்  கைகளுக்கு,கால்களுக்கும் ஆபரணங்கள் , தோள்வளை , தோடுகளும் ,செவியில்  அதன் மேல்  அணியும் செவிப்பூக்களும் வேண்டும் என்று பிரார்த்திக்கிறாள்.

பலவகை  அலங்காரங்களும்  நாங்கள் செய்து கொண்டு 

புத்தாடையும்  உடுத்தி  வருவோம்.அதன்  பின் பாலில் செய்த 

சர்க்கரைப் பொங்கல் , அதில்  சேர்த்த நெய்  ,கைகளில் வைத்து மூடினால் உடன் உருகி முழங்கை வரை   வழிய  

உன்னுடன் சேர்ந்து கூடியிருந்து  மகிழ வேண்டும் .

இதுவே  எங்கள்   விருப்பம். நீ நிறைவேற்றி வைக்க வேண்டும் என்று பிரார்த்திக்கிறாள்.

கோவிந்த நாம சங்கீர்த்தனம்  கோவிந்தா கோவிந்தா.