ஆழ்வார் திருநகரி தொடர்கிறது

வல்லிசிம்ஹன்

எல்லோரும்  வளமாக  வாழ வேண்டும் 
ஆழ்வார் திருநகரி  தொடர்கிறது 
++++++++++++++++++++++++++++++++++++








நம்மாழ்வார் சரணாகதி 



மார்கழி மாத  வைகுண்ட ஏகாதசியின் பொது நம்மாழ்வார்  சரணாகதிக் காட்சி ஸ்ரீரங்கம் ,ஆழ்வார் திருநகரியில் நடக்கும் ,
இந்த செய்திகளை அம்மா சொல்லி கேட்பது வழக்கம்.

திரு வேளுக்குடி  சுவாமிகளும் சொல்லிக் கேட்டிருக்கிறேன்.

பெருமாளுடன்  ஐக்கியமானவர் பக்தர்களுக்காகத் திரும்பி வந்துவிடுகிறார்.

நாங்கள்  ஆழ்வார் திருநகரி சென்றபோது   ,உறங்காப்புளியின் தரிசனமும் கிடைத்தது.
பாதுகாப்பு போடப்பட்டிருந்தது.
அநேகர் மரத்தின் பட்டைகளை எடுத்துச் சென்றதால் 
இந்த ஏற்பாடு என்று சொன்னார் அங்கிருந்த பட்டர்.

எவ்வளவு பெரிய சரித்திரம் இங்கே நடந்திருக்கிறது.


ஸ்ரீ நம்மாழ்வார். அவருடன் மதுர கவி ஆழ்வாரும், ஸ்ரீ நாத முனிகளும்.

கலியில்  நம்மை உய்விக்க வந்த ஸ்ரீ நம்மாழ்வாரின் பெற்றோர், பிள்ளை வரம் வேண்டி திருக்குருகூரிலிருந்து 
திருக்குறுங்குடி  அழகிய பரிபூர்ண சுந்தர நம்பியை வேண்டி வர,
அவர்களுக்குத் தானே மகாவாகப் பிறப்பதாக வாக்களிக்கிறார் நம் தெய்வம்.
அவதாரம் செய்த  நாளிலிருந்து அழாமல் அசையாமல் இருந்த மகன், திருக்குருகூர்,
சந்நிதியில் எழுந்து நடந்து ,
அங்கே புளிய மரத்தில் பொந்தில் தியான நிலையில் அமர்ந்து விட்டதாம்.
ஸ்ரீ ஆழ்வாரின் 16 வயதில் மதுரகவி அவரைத் தேடி வந்து பிரபந்தங்களை பெறுகிறார்.
இது போல ஒரு குரு  சிஷ்ய பந்தத்தை இனியும் பார்ப்போமா.
ஸ்ரீ நம்மாழ்வாரின் மொழிகளாக நமக்கு கிடைத்திருக்கும் 
திருவாய் மொழி,1102 பாசுரங்கள்,
திருவிருத்தம்    100 பாசுரங்கள்,

திருவாசிரியம் 7 பாசுரங்கள்,
பெரிய திருவந்தாதி  87 பாசுரங்கள்.

எனக்குத் தெரிந்ததை இங்கே குறிப்பிட்டிருக்கிறேன்.

உபன்யாசங்களில் கேட்க கிடைத்த செய்திகள்,இந்தப் பாசுரங்கள் அனைத்துமே 
வேதத்தின் சாரம், மோக்ஷம் அடையும் வழி  என்பதே.

விரிவாக எழுத எனக்கு ஞானம் போதாது,.
இதுவரை எழுத்தாக கிடைத்ததே பெரிய பாக்கியம்.
ஸ்ரீ நம்மாழ்வார், ஆச்சார்யர்கள் திருவடிகளே சரணம்.

சுபம்.