பொறுமை வாழவைக்கும் 4

வல்லிசிம்ஹன்
எல்லோரும் வளமாக  வாழ வேண்டும் .

பொறுமை வாழவைக்கும் 4
++++++++++++++++++++++++++++++++
ஆடி வெள்ளியும் வந்தது. புதிதாக வாங்கிய ஸ்டுடிபேக்கர் வண்டியில் தம்பிகள் குடும்பத்துடன்
வந்தனர்.
மைதிலியும் உப்பிலியும் வண்டியைப் பாராட்டி மெச்சினர்.
மாமாக்கள் குடும்பம் வரும்போதெல்லாம் தாவி வந்த அணைத்துக்கொள்ளும்
வாரிஜா வண்டியையே பார்த்துக் கொண்டு நின்றாள்.
ஏய், வாவா நாம் ஒரு ரவுண்டு வரலாம் ரிஜாக்குட்டி
என்று பெரிய மாமா அழைத்ததும் சரி என்று ஏறிக்கொண்டாள்.
மைதிலியும், உப்பிலியும் மற்றவர்களை அழைத்துக் கொண்டு உள்ளே சென்றனர்.

தன் தம்பி மனைவிகளை உபசாரம் செய்து, அவர்களோடு
மற்ற ஏற்பாடுகளைப்
பற்றிப் பேசி அறிந்து கொண்டாள்.
மகன் ராஜ கோபாலனைத் தேடினால், அவனும் ராமசாமி மாமாவுடன்
சென்றிருப்பது புரிந்தது.
புதுக்கார் மோகம் குழந்தைகளுக்கு இருப்பது சகஜம் தானே அக்கா
என்று பரிந்தாள் தம்பி மனைவி  சாரங்கா.
எல்லாம் நீங்கள் கொடுக்கும் செல்லம் தான் என்று சிரித்தாள்
மைதிலி.
அப்பா எப்படி இருக்கார். என்றதும், வைதீகக் காரியங்கள்
கச்சிதமாக நடக்க வேண்டும் என்பதில் அம்மா அப்பா
இருவரும் மும்முரமாக இருக்கிறார்கள்.
 பந்தல்குடியைச் சுற்றி எத்தனை வேத விற்பன்னர்கள் இருக்கிறார்களொ
அவர்களை உங்கள் தம்பிகள் அழைத்து விட்டார்கள். இது சின்னவனின் மனைவி
செங்கமலம்.

அக்கம்பக்கம் வீடுகளைச் சேர்த்து பந்தல் போடப் போகிறோம்.
எங்கள் பெற்றோரும்  இரண்டு நாட்கள் முன்பே வரப் போகிறார்கள்.
சின்னக் கோமளம், பெரிய கோமளம் இரண்டு அத்தைகளும்
வந்துவிடுவார்கள். இதைச் சொன்னபடி இருவரும் நாத்தனாரைப் பார்த்தார்கள்.

நீங்க அவர்களிடம் ஜாக்கிரதையாகப் பேசும்படி அம்மா சொல்லச் சொன்னார்.
நல்ல வார்த்தைகள்  அவர்களிடம் பலிப்பதில்லை.

என்றதும்மைதிலி தலை ஆட்டினாள். தெரியும் .இங்க வந்திருந்த போது
வாரிஜாவின்  மனசைக் கலைத்துவிட்டுப் போனார்.
அதற்கு மேல் சொல்ல விருப்பமில்லாமல்
சாப்பிட்டு விட்டு நாம் கடைகளுக்குப் போகலாம்
ஆண்கள் வேஷ்டி ,சட்டை விஷயங்களைக் கவனிக்கட்டும்.
நாம் நகை, புடவைகளைப் பார்த்துக் கொள்ளலாம்
என்றாள்.... அன்று இரவு  எல்லோரும் சேர்ந்து பார்த்த
இந்தித் திரைப்படப் பாடல் கீழே.