தண்ணிலவு

வல்லிசிம்ஹன்  இனிய இசை  எப்பொழுதும் நம்  வாழ்வை நிறைக்கட்டும்.

60  

முதல்  வந்த படங்கள் அனைத்துமே   ஏதோ நல்ல கருத்தைக் கொண்டு வந்தவை.

படித்தால் மட்டும் போதுமா படம் அந்த வரிசையில்

வந்தது.

அண்ணன் தம்பிகளுக்குள் கல்வியில் இருந்த வித்தியாசம்

குணத்தில் இருந்த வித்தியாசம்,

ஒரு உயிர் பலியாவதிலும்,இன்னோரு உயிர்

நீதிக் கூண்டுக்குள் நிறுத்தப் படுவதிலும்

முடிகிறது.

அண்ணன் விபத்தில் உயிர் துறக்கிறான்.

தம்பி கொலைக் குற்றம் சாட்டப் படுகிறான்.

அண்ணி வந்து நடந்ததைக் கூறி அவன் விடுதலைக்குக்

காரணம் ஆகிறாள்.

அதற்கு முன் அண்ணனும் அண்ணியும் தாம்பத்யம் நடத்தும்

அருமையை விவரிக்கும் விதமும்,

தம்பி அண்ணனின் மீது வைத்த பாசம், அண்ணியின்

மேல் வைத்திருக்கும் பக்தி எல்லாமே சிறப்பாகச் சித்தரிக்கப்

படும். 

படித்த அண்ணன், படிக்காத மனைவியுடன் 

பண்பாக ,காதலுடன் நடத்தும் 

வாழ்க்கையின் போது வரும் பாடலாக

''தண்ணிலவு தேனிறைக்க" பாடல் மனதோடு 

இழையோடும் இசையுடன்,சுசீலாம்மாவின் குரலில்

இன்பமாக ஒலிக்கும்.

தேன் நிலவு படம் அதற்கு முன் வந்து விட்டது.

டைரக்டர் ஸ்ரீதர் கதை வசனம் எழுதி தயாரிக்க

 பெரிய நட்சத்திரங்களின் அணிவகுப்பில் தங்கவேலு, எம்.சரோஜா

நகைச்சுவையில் பார்த்தவர்கள் எல்லோரும்

மயங்க,

காஷ்மீர் காட்சிகளில் நாங்கள் எல்லாம்

சொக்கிப் போக வந்த படம். ஏ.எம். ராஜா இசையமைப்பில்,

கவிஞர் கண்ணதாசனின்  கவிதை

வரிகள் தமிழில் நடனமாட வந்த காதல் காமெடி சினிமா.

அந்தப் படத்தில் வந்த நிலவுப் பாடல்

இந்தப் பதிவில் இணைக்கிறேன்.