திருக்குறுங்குடி 8

வல்லிசிம்ஹன்

திருக்குறுங்குடி  நின்ற நம்பி திருக்கோலம் 




எம்பெருமான்  இராமானுஜர் அழகிய நம்பிக்கு உபதேசம் செய்யும் காட்சி. படத்தை இங்கே பதிவேற்ற முடியவில்லை. பாட்டி சொல்வார், ஸ்ரீவைகுண்டம் திருக்குறுங்குடியிலிருந்து கூப்பிடு தூரம் . அங்கிருப்பவர்கள் துளி தவறு கூட இழைக்க மாட்டார்கள் என்று.




சுந்தர பரிபூரண அழகிய நம்பி 



நல்ல உயரம் கொண்ட நெடுமால்.
பையர்களின்  கணிப்புப்படி 9   அடி  உயரமும்,
பச்சை வண்ண மேனியும் , வண்ணக் கலாப மேனியாக நின்ற பெருமாள்.

பெருமாளே நம்மாழ்வாராக அவதாரம் செய்ததால் இங்கே ஆழ்வாருக்குத் தனி சந்நிதி இல்லை.

படிகள் நல்ல உயரம்.  நின்ற நம்பி ,கிடந்த நம்பி, இருந்த நம்பிகளைத்தரிசித்துவிட்டு நான் பிரகாரத்தில் ஒரு திண்ணையில் அமர்ந்து விட்டேன்.
பெரிய மகனும் சின்னவனும் வெளிச் சுற்றில் தாயார்களைத் தரிசனம் செய்தனர்.
சின்னவன் வந்து ஆண்டாள் நாச்சியார்க்குச் சார்த்தி இருந்த பெரிய  அளவில்
இருந்த திருமாங்கல்யத்தை அழகை வர்ணித்தான் . என்னையே நொந்து கொண்டேன்.
போய்ப் பார்த்திருக்கலாம் என்ற தாபம்.



இப்படி இருந்திருக்கலாம்.
கோவிலைச் சுற்றிச் சில படங்கள் எடுத்துக் கொண்டோம்.
திரு ராமானுஜ பட்டர் வீட்டில் அருமையான அமுது படைத்தனர்.
குறுங்குடி வருபவர்களுக்கு அங்கே   உணவு படைப்பதைக் கைங்கரியமாகவே செய்து வருகிறார்.


கோவிலை விட்டு மனமில்லாமல் வெளியே வந்து, திருப்பாற்கடல் நம்பி, எம்பெருமானார் தங்கிய இடம், திருமங்கை ஆழ்வாருக்கு 
வைஷ்ணவ 
நம்பி  பெருமாள் வைகுண்டப் பிராப்தி அளித்த இடம் எல்லாவற்றையும் விவரமாகச் சொன்னார் திரு ராமானுஜன்.

ராகு,கேது   இருவரின் பிடியிலிருந்து விடுபட
இந்த இரண்டு பெருமாள்களையும் சேவித்தால் போதும் 
என்றார்கள் . இரண்டு கோவில்களிலும் உத்சவ ஏற்பாடுகள் நடந்து கொண்டிருந்தன.
பசுமையான   வயல்களுக்கு நடுவே இருந்த கோவில்கள். முன்பு இங்கு 
தாமிரபரணி   ஆறு  ஓடிக்கொண்டிருந்த இடமாம்.
உடையவர் ஸ்ரீ ராமானுஜருக்குப் பெருமாள் எங்கே  என்றே தெரியவில்லையாம்.

ஒரு சிறுமி வந்து    கூப்பிடு தொலைவில் இருக்கு. கோவிந்தான்னு 
அழை என்று சொல்லி மறைந்தாளாம் 
அதனால்தான் தொலைவில்லி மங்கலம்  என்று பெயர் வந்ததாம்.



அருள்மிகு   ஸ்ரீநிவாசன் திருவடிகளே சரணம்.

பெரிய மகன் அழகாக வரைந்து வைத்திருந்த திட்டப்படி இரட்டைத் திருப்பதியை நோக்கி  பயணப்பட்டோம்.

Add caption