கறவைகள் பின் சென்று கானம் சேர்ந்து உண்போம்

அருள்திரு பார்த்தசாரதி

நன்றி திரு கேசவபாஷ்யம்.  .மஞ்சள்நீராட்டத்துக்குக் கிளம்பும் கோதை

நீராடக் கிளம்பும் கோதை

மாடு மேய்க்கும் கண்ணா

 திருமாலின் அன்பிற்குப் பாத்திரமான தாயே கோதா தேவி
உன்னருள் எங்கும் பொலிக.
*************************************************************


// கறவைகள் பின்  சென்று கானம் சேர்ந்துண்போம்
அறிவொன்றும்  இல்லாத ஆய்க்குலத்து  உந்தன்னைப்
பிறவிப் பெருந்தனை புண்ணியம் யாமுடையோம்
குறைஒன்றும் இல்லாத கோவிந்தா உன்னோடு
உறவேல் நமக்கு இங்கு  ஒழிக்க ஒழியாது
அறியாத பிள்ளைகளோம் அன்பினால் உன்தன்னைப்
சிறுபேர் அழைத்தனம்  சீறி அருளாதே
இறைவா நீ தாராய்    பறையேலோர் எம்பாவாய்//
***********************************************************

கறவைகள்பின்சென்று  கானம் சேர்ந்து உண்போம்.

 கூடாரைவென்றவனை  கோவிந்தனை அழைத்துக் கொண்டு அவன் உகந்த தயிரும் பாலும் கலந்த அன்னத்தை உண்ண கோதைக்கு தாளாத விருப்பம்.


கண்ணா, கோவிந்தா,பார்த்தசாரதி, எம்மை உடையவனே
நாங்களோ  ஆய்க்குலப் பெண்கள். ஆசார அனுஷ்டானங்கள் அறியாதவர்கள்.
எங்களுக்கு எங்கள் குலத்தில் வந்து பிறந்ததே பெரிய  தனம்.
புண்ணியம் செய்து  உன்னைப் பெற்றோம்.
குறையே இல்லாத   நிஷ்களங்கனான  பூர்ணத்துவம் பெற்ற  கோவிந்தனே உன்னோடு எங்களுக்கு  உறவில்லை  என்றால்  வேறு கதியே இல்லை. உன்னையே சரணடைகிறோம்.

அறியாமல் நாங்கள் செய்த பிழைகளைப் பொறுத்துக் கொள்வாயாக. உன்னை ஒருமையில் அழைப்போம். ஆச்சார்யவள்ளல்களைப் போல   உன்னை உயர்த்திப் பேசத்தெரியாது. எங்களவனாகவே நீயிருந்து எங்களோடு  நீ  பசுக்களை மேய்க்கும்  வனத்துக்குச் சென்று

தயிரன்னம் உண்ணவேண்டும் அப்பா.
எங்கள்  குறைகள்  உனக்குக் கோபம் அளிக்காது. நாங்கள் உன் தோழிகள். சீறாமல் எங்களுக்கு    அருள்வேண்டும் கண்ணா என்று சரணடைகிறாள்.

எங்கள் கோதா நீ காட்டின வழியிலியே  அடக்கமும் பக்தியும்
சேர   கண்ணனை அடைய எங்களுக்கு வழிகாட்டிவிட்டாய்.
தாயே நீ என்றும் எங்களைக் காப்பாய்.



 எல்லோரும் இனிதாக வாழ வேண்டும்