Monday, April 30, 2018

அழகர் வந்தார்.

எல்லோரும் இனிதாக வாழ வேண்டும்
 புதிய தலைமுறை லைவ் தொலைக்காட்சி வழியாக மனம் நிறைய அழகர்
ஆற்றில் இறங்குவதைப் பார்த்தாச்சு.

அந்தக் குதிரையின் கம்பீரம் எத்தனை முறை பார்த்தாலும் அலுப்பதில்லை.
மேல் கோலாகலமாகப் பச்சைப் பட்டாடை உடுத்தி

குதிரையை ஓட்டும் அழகுக் கம்பை நீட்டியபடி, அளவில்லா ஆபரணங்களும்,
சுந்தர பாஹு என்ற பெயருக்கேற்ற தோள்களில்
பாரமாய் மாலைகளும்.
திருவில்லிபுத்தூர் ஆண்டாள் அனுப்பிய மாலையின் பெருமை முகத்தில் பிரதி பலிக்க
அவர் வரும் அழகை என்ன சொல்வது.
எதிர் சேவை வழங்கிய அழகா கோடி நமஸ்காரங்கள்.