About Me

My photo

Just one more correspondent.  9/4/1948   பிறந்தநாள்

Thursday, November 02, 2006

மாலைப் பொழுதினிலே ஒருநாள்

Posted by Picasa தெய்வத்தம்பதியருக்கு நமஸ்காரங்கள்.
எம் எஸ் அம்மா பாடலகள்
எல்லாமே அமுதம்,.
அதிலே பக்திப் பாடல்கள்
வெகு வாக எல்லோரையும் ஈர்த்தாலும்,
என்னை மிகவும் கட்டிப்போடும், சொக்க வைக்கும்
சில கானங்கள், தமிழ்ப் பாடல்கள் சில.

அவற்றில் ஒன்று இந்த மாலைப் பொழுதினிலே
பாட்டு.
குரல் குழையப் பாடுவார் தெரியும்.
மனம் அப்படியே நெகிழும்..
அதுவும் உண்மை,.
ஆனால் இந்தப் பாடல் கேட்கும்போதெல்லாம் ஒரு
மங்கை தன் முருகனை உண்மையாகவே பார்த்தால் எப்படியெல்லாம் உணர்ந்திருப்பாளோ,

அதை நம்ம எம் எஸ் அம்மா
அப்படியெ கண் முன்னே கொண்டு வருவதாகத்
தோன்றும்.

கல்கி அவர்களின் பாடல் என்று நினைக்கிறேன்.
தவறாக இருந்தால் மன்னிக்கவும்..

இந்தப் பாடலைப் பதிவோட இணைக்க ஆசை.
ஆனால் அந்த முறையெலாம் கற்கவில்லை.

இதோ அம்மாவும் பாடலும்.


மாலைப் பொழுதினிலே ஒருநாள்
மலர்ப்பொழிலினிலே...
கோலக்கிளிகளுடன் குயில்கள்
கொஞ்சிடும் வேளையிலே....

மாலைக்குலவு மார்பன்
வடிவில் மாமதி போல் முகத்தான்

வேலொன்று கையிலேந்தி என்னையே
விழுங்குவான் போல் விழித்தான்.

நீலக்கடலினைப் போல்
என் நெஞ்சம் நிமிர்ந்து பொங்கிடினும் ....

நாலுபுறம் நோக்கி...நாணி நான்
யாரிங்கு வந்ததென்றேன்.

ஆலிலை மேல் துயின்று, புவனம்
அனைத்துமே அளிக்கும்...

மாலின் மருமகன் யான்,
என்னையே வேலன் முருகன் என்பார்.

சந்திரன் வெண்ணுருகும் முகத்தில்
சஞ்சலம் தோன்றுவதேன்

தொந்தம் இல்லாதவளோ
புதிதாய்த் தொடங்கிடும் உறவோ??

முந்தைபிறவிகளில் உன்னை நான்
முறையினில் மணந்தேன்...
எந்தன் உயிரல்லவோ கண்மணி
ஏனிந்த ஜாலம் என்றான்
எந்தன் உயிரல்லவோ கண்மணி
ஏனிந்த ஜாலம் என்றான்.

உள்ளம் உருகிடினும்
உவகை ஊற்றுப் பெருகிடினும்
உள்ளம்ம்ம்ம் உருகிடினும்
உவகை ஊற்றுப் பெருகிடினும்

கள்ளத்தனமாகக் கண்களில்

கனலெழ விழித்தேன்.

புள்ளி மயில் வீரன்
மோஹனப் புன்னகைதான் புரிந்தான்..

துள்ளி அருகில் வந்தான்
என் கரம் மெள்ளத் தொடவும் வந்தான்.
துள்ளி அருகில் வந்தான்
என்கரம் மெள்ளத் தொடவும் வந்தான்.

பெண்மதிப் பேதமையால்
அவர் கைப் பற்றிடும் முன் பெயர்ந்தென்...
கண் விழித்தே எழுந்தேன்
துயரக் கடலிலெ விழுந்தேன்....

வண்ணமயில் ஏறும் பெருமான்
வஞ்சனை ஏனோ செய்தான்...
கண்கள் உறங்காவோ?
அக்குறைக் கனவினைக் காணேனோ?

மாலைப் பொழுதினிலே
ஒருநாள் மலர்ப் பொழிலினிலே.......

ரீங்கரிக்கும் அம்மாவின் குரலிழைந்து
பாடல் முடிவடைகிறது.
என்னதவம் செய்தோம் இறைவா
இந்தக் குரல் கேட்பதற்கே!!