About Me

My photo

Just one more correspondent.  9/4/1948   பிறந்தநாள்

Monday, September 28, 2009

அன்னைக்கு வணக்கம் ,போற்றி எங்கள் தாயே


பராசக்தி

நாயகிகள்


குகப்படலம்




நம்ம வீட்டு மல்லிகைப்பூ



உறவினர் வீட்டு கொலு





புது மகாலட்சுமி
வெண்ணைக் கண்ணன்

கல்கத்தா அம்மா

பரிமுகப் பெருமாள்


















நவராத்திரி ,தசரா எல்லாம் ஓய்ந்து,இதோ தீபாவளிக்கான கலகலா ஆரம்பித்துவிட்டது. இந்த நவராத்திரி கொஞ்சம் விசேஷமானது.
பெண்பதிவர்கள் வீடுகளுக்கும் போக அழைப்பு கிடைத்தது.
நானானி அவர்களின் கொலுதான் விட்டுப் போய்விட்டது.
கீதாம்மா,துளசிதளம் அம்மா இவங்க வீடுகளுக்குப் போகும் பாக்கியம் கிடைத்தது.
நேரம் தெரியாமல் சுப்புக்குட்டி வரும் போகும் விவரங்களைத் திறந்தவாய் மூடாமல் கேட்டேன். ஒரு ஜாக்கிரதைக்காகக் கால்களை
உட்கார்ந்திருந்த நாற்காலியின் சட்டத்தில் வைத்துக் கொண்டேன்.
அதுக்குத் திடீர்னு எங்களைப் பார்க்க ஆசை வந்துவிட்டால்!!!!
நினைத்தாலே நடுங்குகிறது இல்லையா.:)))
ஒரு ஆன்மீகக் களஞ்சியம், ஒரு வரலாற்றுக் களஞ்சியம் இருவரும்
உரையாட நான் , ஆ''வெனத் திறந்தவாய் மூடாமல் கேட்டுக் கொண்டிருந்தேன்.
 
இவர்களும் எழுதுகிறார்கள்....நானும் எழுதுகிறேன் என்ற
சோகமே என்னைத் தாக்கி விட்டது:)
கீதா நல்ல வடையும் இட்டிலியும் செய்து கொடுத்து, செவி உணவோடு வயிற்றுப் பசியையும் தணித்தார்கள்.
அடுத்த விசிட் அலைகள் அருணா. அங்கயும் சாப்பாடே பிரதானமாக இருந்துவிட்டுச் சில நல்ல விஷயங்களியும் பார்த்து கேட்டு உய்யும் வழி இதுவல்லவோ என்று தெளிந்தேன்!!
இன்னுமொரு நாள் துளசிதளம் அம்மா வீடு.,அங்கேயும் சுண்டல்,மைபா,
,முறுக்கு என்று தூள் கிளப்பியாகிவிட்டது.
 
சனி,ஞாயிறு,திங்கள் நம் வீடு விழாக்கோலம் கொண்டது. தம்பதி சமேதராக அனைவரும் வந்து இருந்து மகிழ்ந்து மகிழ்வித்துச் சென்றார்கள்.
இனிதே பூர்த்தியானது நவமான ஒன்பது தினங்களும்,விஜயதசமியும்.
இதே ஆனந்தமும் நட்பும் நிலைபெற எல்லோருக்கும் வாழ்த்துகள் சொல்லிக் கொள்ளுகிறேன்.














எல்லோரும் வாழ வேண்டும் .